8885.22 - Heilsufremjandi og fyribyrgjandi sjúkrarøkt í samfelagsligum høpi.
Skeiðsnummar
8885.22
Heiti
Heilsufremjandi og fyribyrgjandi sjúkrarøkt í samfelagsligum høpi.
ECTS
15
Endamál
At lesandi skilur hvønn týdning sjúkrarøkt hevur í samband við fyribyrgjandi og heilsufremjandi tiltøk og ætlanir í heilsuverkinum og í samfelagnum.
At lesandi fær innlit í hvønn leiklut sjúkrarøktarfrøðingurin hevur í samfelagsligum høpi viðvíkjandi heilsufremjan og fyribyrgjan.
At lesandi mennir førleika til at kunna greina og miðla sjúkrarøktarfakligar spurdómar í samfelagsligum og mentunarligum høpi.
At lesandi menna førleika til at leita í heilsuvísindaligum dátugrunnum og meta um kvantitativar vísindaligar greinar.
Innihald
Undirvísingin er skipað ávikavist sum ástøðilig (8 vikur) og klinisk undirvísing (2 vikur).
Innihaldið í tí ástøðiligu undirvísingini er:
• Leikluturin hjá sjúkrarøktarfrøðinginum í samfelags høpi.
• Ymisk ástøði um heilsu, heilsufremjan og fyribyrging. Umrødd verða eisini hugtøk, ið verða brúkt til at greina heilsustøðuna, sum til dømis, lívsstílur, lívsformar, sosialt netverk og útbrentheit.
• Ástøðilig fatan av heilsupolitikki - lógir, viðtøkur og aktørar
• Tjóða og altjóða tiltøk og ætlanir, t.d. WHO, Heilsustýrið í Danmark og Fólkaheilsuætlan í Føroyum.
• Innleiðsla til mannfrøði og mentan.
• Umhugsni í mun til miðlan ávikavíst til tann einstaka og til almenningin
• Misnýtsluvandamál
• Ættleiðing
• Leitan eftir vísindaligum greinum í heilsuvísindaligum dátugrunnum.
• Innleiðsla til grundleggjandi hugtøk innan epidemiologi og hagfrøði.
• Kvantitativ granskingarháttaløg og teirra eyðkenni.
• Meting av vísindaligum greinum í mun til validitet og reliabilitet.
• Grein, sum viðgerð spurdóm í mun til sjúkrarøkt.
Innihaldið í klinisku undirvísingini er at:
• Observera heilsufremjandi og fyribyrgjandi leiklutin hjá sjúkrarøktarfrøðinginum í samfelags høpi.
Kliniska undirvísingin verður skipað sum observatiónsklinikk ávikavist 1 viku saman við heilsufrøðingum og 1 viku saman við sjúkrarøktarfrøðingum á fyribyrgingar- og viðgerðarstovnum og heilsufremjandi stovnum í primeru heilsutænastuni.
Læru- og undirvísingarhættir
Ástøðiliga undirvísingin er skipað við skifti millum fyrilestrar, dialog, bólkaarbeiði og sjálvlestur. Harumframt samvirkandi lesnaður á kliniskum undirvísingarstøðum.
Læruúrtøka
Eftir loknu eind, skal tann lesandi:
• Lýsa heilsupolitikk við støði í heilsupolitiskum ætlanum
• Greiða frá hugtøkum og ástøði innan fólkaheilsuvísindi við denti á heilsu
• Lýsa hvønn týdning sosialur ójavni hevur á heilsuna
• Lýsa misnýtsluvandamál í mun til rúsevni, rúsdrekka og heilivág
• Lýsa hvørji krøv og rættindi eru í mun til tað likamliga og sálarliga arbeiðsumhvørvi
• Greiða frá hvønn týdning arbeiðsumhvørvið hevur á heilsuna
• Greiða frá, hvussu mentunarlig viðurskifti ávirka handlimøguleikar hjá tí einstaka við støði í sjúkrarøktarástøði
• Greiða frá, hvussu heilsunámsfrøði kann brúkast í fyribyrgjandi og heilsufremjandi sjúkrarøkt
• Greiða frá vandatættum (risikofaktorar), ið kunnu elva til sjúku
• Greiða frá týdninginum av motivatión í mun til lívsstíl
• Greiða frá samskiftis umhugsni í mun til at hava relatión og dialog við borgararnar
• Reflektera um etiskar spurdómar í mun til lívsstíl og livikor hjá hvørjum einstøkum
• Staðfesta ymisk fyribyrgingar- og heilsufremjandi tiltøk og ætlanir
• Meta um ymisk heilsufremjandi- og fyribyrgingartiltøk og ætlanir, bæði tjóðarliga og altjóðarliga
• Greina spurdómar innan fyribyrging og heilsufremjan
• Leita fram og brúka granskingargrundaða vitan um heilsufremjandi, fyribyrgjandi og viðgerandi virksemi
• Kjakast um heilsufremjandi og fyribyrgjandi leiklutin hjá sjúkrarøktarfrøðingum í samfelagsligum høpi
• Miðla sjúkrarøktarfakliga vitan innan heilsufremjan og fyribyrgjan til einstaka brúkaran (sjúkling, avvarðandi)
• Miðla sjúkrarøktarfakliga vitan innan heilsufremjan og fyribyrgjan til almenningin
• Duga at leita eftir grein, ið nýtir kvantitativt háttalag, á heilsuvísindaligum dátugrunnum
• Meta vísindaligu greinina, ið viðger spurdómar innan sjúkrarøkt
Próvtøkuháttur
Próvtøkan er ein skrivlig bólkauppgáva. Sí Krøv til próvtøkuna.
Próvdøming
Innanhýsis
Próvtalsstigi
7-talsstigin
Lestrarlisti
Sí undirvísingarskrá
Ábyrgd
Sunrit Niklasdóttir