8876.20 - Sjúkrarøkt til menniskju við sálarligum sjúkum

8876.20

Sjúkrarøkt til menniskju við sálarligum sjúkum

15

At lesandi ognar sær vitan um og skil fyri sjúkrarøkt, sum kann stuðla menniskjanum í tyngjandi sálarligum støðum. At lesandi ognar sær skil fyri sjúkrarøkt í mun til recovery tilgongdina og The Tidal model. At lesandi ognar sær vitan um skipanina av psykiatriska økinum At lesandi skilur týdningin av námsfrøðiligum og kommunikativum viðurskiftum, í samspælinum ímillum sjúkling, sjúkarøktarfrøðing og avvarðandi. At lesandi ognar sær vitan um føroysku mentanina, sum kann síggjast aftur í tørvum hjá menniskjum við sálarligum avbjóðingum At lesandi venur hegni í føroyskum í talu og skrift.

Kliniska undirvísingin er í psykiatriska deplinum, LS. Nærri lýsing av innihaldinum, sjá fylgiskjal “Karmar fyri klinisku undirvísingina innan psykiatri“. Sjúkrarøktin skal taka støði í ástøði um: • Sjúkrarøkt til menniskju, ið eru sálarlig sjúk • Sjúkrarøktarástøði: The Tidal Model hjá Barker & Barker, Kari Martinsen í mun til umsorgan, sansandi og registrerandi eyga • Paradigmir og hugtøk innan sjúkrarøkt til sálarliga sjúk: Miljøterapi, recovery, empowerment, family nursing, spegling, skerming, makt, rúsdrekka og rúsevnis misnýtsla • Relatión millum sjúkling, avvarðandi og starvsfólk/lesandi • Sálarligar sjúkur og teirra eyðkenni • Heilivágur: antipsykotika, anxiolytika, hypnotika, antiepileptika, antidepressiva og centralstimulantia • Undirvísa og vegleiða sjúklingum, avvarðandi og starvsfeløgum, grundað á ástøði. • Samskifti við sjúklingum, avvarðandi og starvsfeløgum, grundað á ástøði. • Siðsemi í mun til sjúkrarøkt til sálarlig sjúk • Psykiatrilógin • Kravt lestrarvirksemi: Greina útvalda praksisstøðu.

Kliniska undirvísingin er skipað sum yrkisbeindur lesnaður. Yrkisbeindur lesnaður er, at lesandi sjálvstøðugt leggur til rættis, útinnir, miðlar, leiðir og mennir sjúkrarøkt - við sjúkrarøktarfrøðingi sum kliniskum vegleiðara. Skjalaskjáttan verður brúkt sum amboð til útinnan, refleksjónir og eftirmetingar

Eftir loknu eind, skal tann lesandi: • Savna, greina og meta data í mun til at útinna sjúkrarøkt • Greina støðu sjúklingsins við hóskandi ástøðiligari vitan • Duga at brúka ástøði í mun til at útinna og eftirmeta sjúkrarøkt fyri at kunna geva eina evidensgrundaða sjúkrarøkt • Duga at skjalfesta sjúkrarøktina við skjalfestingaramboðnum á útbúgvingarstaðnum • Samstarva í fakligum og tvørfakligum arbeiði, í mun til tørv, røkt og viðgerð hjá tí einstaka og teirra avvarðandi • Greiða frá sjúkueyðkennum knýtt at sálarligum sjúkum • Greiða frá recovery sum hugtak og tilgongd (process) • Greiða frá farmakokinetik, farmakodynamik og kliniska farmakologi innan antipsykotika, anxiolytika, hypnotika, antiepileptika, antidepressiva og centralstimulantia • Lýsa innihaldið í galdandi psykiatrilóggávu • Við støði í nýggjastu vitan, undirvísa og vegleiða sjúklingum, avvarðandi, starvsfeløgum og samstarvspørtum, við atliti at teirra luttakarafortreytum • Duga at samskifta við sjúkling, avvarðandi og samstarvspartar grundað á samskiftissástøði og ta serstøðu, ið menniskju við sálarligum avbjóðingum eru í • Duga at møta tí einstaka menniskjanum og avvarðandi, sýna nærleika, forstáilsi og virðing fyri teimum • Reflektera um egnar sálarligar reaktiónir í interaktiónini við sjúklingin • Reflektera um støðu sjúklingsins í mun til autonomi, paternalismu og veika paternalismu • Reflekterar yvir áskoðanir (paradigmir), ið kunnu liggja til grund fyri sjúkrarøktina • Reflektera um útvalda praksisstøðu • Meta um egnan lærutørv í mun til útbúgvingartilgongdina Fortreyt fyri at fara til próvtøku er góðkent kravt lestrarvirksemi. Støðumet. Lesandi verða mett í mun til læruúrtøkuna fyri klinisku undirvísingina í eind 12. Metanin av lesandi er javnmett við eina innanhýsis próvtøku. Metingin staðið/ikki staðið skal skjalfestast á próvskjal í skjalaskjáttuni.

Fortreyt fyri at fara til próvtøku er góðkent kravt lestrarvirksemi. Støðumet. Lesandi verða mett í mun til læruúrtøkuna fyri klinisku undirvísingina í eind 12. Metanin av lesandi er javnmett við eina innanhýsis próvtøku. Metingin staðið/ikki staðið skal skjalfestast á próvskjal í skjalaskjáttuni.

Innanhýsis

P-talsstigin

Sí undirvísingarskrá og sjálvvaldur bókmentalisti

Sunrit Niklasdóttir