8808.10 - Sjúkrarøkt til eldri og varandi sjúk B (klinisk). Endurmenning
Skeiðsnummar
8808.10
Heiti
Sjúkrarøkt til eldri og varandi sjúk B (klinisk). Endurmenning
ECTS
12
Endamál
Í eind 8 eru 2 høvuðstemu:
1. Eldri búfólk , og teirra serstøða
Lesandi skal ogna sær vitan um royndirnar hjá teim eldru av heilsu og vælveru, varðveita hesar og styrkja tær á eldri árum.
2. Heimabúgvandi og teirra serstøða
Við støði í vitan um heilsuverkið og tess tilboð til eldri og varandi sjúk, skal lesandi fyribyrgja og fremja heilsu hjá heimabúgvandi í øllum aldri.
Innihald
Kliniska undirvísingin er ávikavist í heimatænastuni og á ellis- og røktarheimum. Undirvísingin er skipað soleiðis, at helvtin av flokkinum fer í heimatænastuna og hin helvtin fer á ellis- og røktarheim.
Nærri lýsing av innihaldinum sjá fylgiskjal “Karmar fyri klinisku undirvísing í heimatænastu og á ellis- og røktarheimum “ eind 8.
ECTS
Eindin er 12 ECTS íroknað fríviku frá eind 7.
Læru- og undirvísingarhættir
Kliniska undirvísingin er skipað sum samvirkandi lesnaður á ellis – og røktarheimi og í heimatænastuni.
Læruúrtøka
Eftir loknu eind, skal lesandi:
Vitan:
• Lýsa virkisøkið hjá sjúkrarøktarfrøðinginum í heimatænastuni og á ellis- og røktarheimum
• Greiða frá støðuni hjá heimabúgvandi/ búfólki, í mun til ellistilgongdina
• Greiða frá upplivingini, reaktiónum og meistring at eldast og at hava varandi sjúku
• Lýsa rættin hjá heimabúgvandi og / búfólkum til endurmenning
• Greiða frá sjúkrarøktarfakligum tiltøkum og umhugsan, sum skulu stuðla, kompensera og fyribyrgja vandamál, sum kann hótta lívsgóðskuna
• Greiða frá hvørjar uppgávur ymisku fakbólkarnir hava í mun til tvørfakliga samstarvið
• Greiða frá týdninginum av tí tvørfakliga samstarvinum í mun til sjúkrarøktina til búfólk og heimabúgvandi.
• Greiða frá hvørji atlit skulu takast við heilivággevan til eldri menniskju
• Greiða frá hvussu Almanna – og heilsuverkið er skipað og virkar
• Greina siðfrøðiligar tvístøður í mun til eldri/varandi sjúk
Hegni:
• Duga at útinna sjúkrarøkt, ið stuðlar likamligu, sálarligu, andaligu og sosiala tørvunum hjá búfólki og heimabúgvandi.
• Duga at koma inn í eitt heim, og virða tí einstaka, avvarðandi og umhvørvið hjá honum/henni
• Duga at møta tí einstaka, og sýna nærleika og forstáilsi fyri honum/henni
• Duga at reflektera um útintu sjúkrarøkt
• Duga at skjalfesta refleksjónir í skjalaskjáttuna
• Duga at leita fram og brúka granskingar- og menningargrundaða vitan um ávís fyribrigdi innan gerontologi og varandi sjúkur
• Duga sjálvstøðugt at leggja til rættis, útinna og eftirmeta sjúkrarøkt, og duga at skjalfesta sjúkrarøktina í kardex á kliniska undirvísingarstaðnum (røktargongdin)
• Duga at greiða frá og grundgeva fyri ráðløgdu sjúkrarøktini
Førleiki:
• Brúka sjúkrarøktarprosessina til at meta um, grundgeva, leggja til rættis, útinna og eftirmeta sjúkrarøktina til eldri og varandi sjúk
Próvtøkuháttur
Lesandi verða mett í mun til læruúrtøkuna fyri klinisku undirvísingina í eind 8. Metanin er javnmett við eina innanhýsis kliniska próvtøku. Mett verður staðið/ikki staðið. Metingin skal skjalfestast í skjalaskjáttuna.
Próvdøming
Innanhýsis
Próvtalsstigi
P-talsstigin
Ábyrgd
Sunrit Niklasdóttir