8891.13 - Grundleggjandi tørvir

8891.13

Grundleggjandi tørvir

15

At lesandi fær vitan um grundleggjandi tørvir. At lesandi fær vitan um sjúkrarøktarástøði, og mennir førleika til at greina sjúkrarøktarfakligar spurdómar við hóskandi ástøði.

Undirvísingin er skipað ávikavist sum ástøðilig og klinisk undirvísing. Innihaldið í tí ástøðiligu undirvísingini er: • Sjúkrarøktarsøga og sjúkrarøktarástøði. Innleiðsla til sjúkrarøktarprosessina sum háttalag. • Grundleggjandi tørvir útfrá Virginiu Henderson • Hugtøk í sjúkrarøktini; umsorgan, relatión og kroppur • Innleiðsla til samfelagsfrøði og samfelagsskipanir. Herundir uppbygging av Almanna- og heilsuverkinum við denti á heilsuverkið. • Innleiðsla til siðfrøði og etisku leiðreglurnar í sjúkrarøkt. • Í vísindaástøði og granskingarháttlagsfrøði verður dentur lagdur á vísindasøgu, nátturuvísind og kvantitativ háttaløg • Í undirvísingini í arvafrøði verður dentur lagdur á samanseting og funktión hjá arvaeindum og kromosomum á mýla støði, teirra arvalykil, arvalæru og arvaligar sjúkur og fyribyrging av teimum. Innihaldið í tí klinisku undirvísingini er: • Innleiðsla til venjingarstovuna sum útbúgvingarstað • Handreinføri • Mátingar

Undirvísingin er skipað við skifti millum fyrilestrar, dialog, bólkaarbeiði, sjálvlestur og uppgávuskriving. Harumframt venjingar í venjingarstovuni.

Eftir loknu eind, skal tann lesandi: • Staðfesta høvuðs- og virkisøkið innan sjúkrarøkt; tað er lógir, leiðreglur og yrkisástøði, og hvat týdning tey hava fyri sjúkrarøktina • Lýsa leiklutin og virkisøki hjá fakbólkunum, ið starvast innan heilsuverkið • Lýsa samfelagsskipanir settar í mun til føroysku samfelagsskipanina og uppbygging av Almanna- og heilsuverkinum • Lýsa hvat etisku leiðreglurnar innan sjúkrarøkt eru grundaðar á • Lýsa høvuðshugtøk innan siðfrøði, við serligum denti á pliktsiðfrøði og konsekvenssiðfrøði • Greiða frá sjúkrarøkt sum umsorgarnarfak, relaterað til søguligt og nútíðar perspektiv • Lýsa hugtøkini relatión, kroppur og umsorgan • Greiða frá grundleggjandi tørvum hjá menniskjanum við støði í ástøði hjá Virginiu Henderson • Brúka sjúkrarøktarprosessina sum ástøðiligt og kliniskt háttalag • Orða seg skrivliga og munnliga um fakligar spurdómar • Duga at argumentera við uppáhald, próvgrund og heimild • Brúka problembasera læring (PBL) sum lestrarhátt. • Meta um egnan lærutørv í mun til útbúgvingartilgongdina • Seta fram uppskot um og/ella umhugsan um tiltøk í mun til grundleggjandi tørvir • Skipa egnu læring í samstarvi við medlesandi og undirvísarar • Leita og velja viðkomandi sjúkrarøktarfakliga vitan, sum umrøðir grundleggjandi tørvir. • Lýsa vísindasøguligu gongdina frá Platon til nútíðina • Nevna teir ymisku høvuðsrætningarnar innan vísindaástøði • Lýsa høvuðseyðkenni við náttúruvísindini • Meta kvantitativ data í mun til reliabilitet. • Duga handreinføri eftir galdandi reinførismeginreglum • Duga at observera og máta BT, P, Resp og Tp • Savna, greina og meta um data um grundleggjandi tørvir tengdir at likamligu funktiónunum: respiratión, temperatur, hjarta og blóðrensl • Meta um lívirkisfrøðiligu funktiónirnar; blóðtrýst, puls, respiratión og temperatur í mun til aldur, kyn, rørsla, samdøgur og kontekst • Brúka og meta kvantitativ háttaløg í innsavnan av data • Lýsa hvønn týdning arvaeginleikar (ílegur) hava fyri útvikling av ávísum sjúkum

Próvtøkan er skrivlig (sí Krøv til próvtøkuna)

Innanhýsis

13-talsstigin

Kristianna Lund Dam