B.Sc. í orkuvísindum 2019-2022
- Lestrartíð 3 ár
- Deild Náttúruvísindadeildin (NVD)
- Tal á Lesandi Uml. 20
- ECTS 180
- Lestrargjald (Fulltíðarlestur) Ókeypis fyri borgarar í danska ríkinum o.ø. Norðurlondum
- Lestrargjald (Stakgreinir) Stakgreinir: 200 DKK/ECTS
(verður ikki bjóðað út longur - sí Verkfrøði ístaðin)
Endamál
Endamálið við útbúgvingini er at geva teimum lesandi vitan um og praktiskar førleikar innan burðardygga orkuveiting, burðardygga orkunýtslu og um stóra týdningin, ið hetta hevur fyri umhvørvi og samfelag.
Bygnaður
1. |
2. |
3. |
4. |
5. |
6. |
Støddfrøði 1 10 ECTS |
Støddfrøði 1 10 ECTS |
Termo- 5 ECTS |
Støddfrøði 2 5 ECTS |
Orka og 7,5 ECTS |
Bygnings-installatión 7,5 ECTS |
Mekanikkur 7,5 ECTS |
Elektro- 7,5 ECTS |
Innleiðandi 5 ECTS |
Elektriskar 5 ECTS |
Vindorka 7,5 ECTS |
Vallærugrein 7,5 EVTS |
Innleiðandi 7,5 ECTS |
Varandi 7,5 |
Evnafrøði 5 ECTS |
Vallærugrein 20 ECTS |
Forritan 5 ECTS |
Bachelor 15 ECTS |
Líkindarokning 5 ECTS |
Hagfrøði 5 ECTS |
Vallærugrein 15 ECTS |
|
Stýriverkfrøði 5 ECTS |
|
Vallærugrein 5 ECTS |
Vallærugreinir:
- Ongar 1. ári
- 35 ECTS á 2. ári
- 12,5 ECTS á 3. ári
Skipan av útbúgvingini
Bachelorútbúgvingin í orkuvísindum tekur trý ár; nøkur skeið eru kravd, meðan onnur kunnu kunnu veljast eftir egnum áhuga.
Útbúgvingin hevur nógvan samlestur við Orkuverkfrøði. Í mun til Orkuverkfrøði er eingin starvsvenjing og meiri frælsi at velja skeiðsinnihald eftir egnum ynski.
Útbúgvingin endar við eini verkætlan, har tann lesandi fær høvi til at seta seg serliga væl inn í eitt evni, ið útbúgvingin fevnir um.
Endaliga verkætlanin kann gerast í samstarvið við stovnar ella feløg eftir egnum ynski.
Útbúgvingin er uppbygd á henda hátt:
- 1. lestrarár er skipað við grundskeiðum í støddfrøði, orkuverkfrøði og alisfrøði
- 2. lestrarár er skeið í stødd, alis og evnafrøði, innleiðandi elverkfrøði umframt skeið eftir egnum ynski.
- 3. lestrarár eru skeið innan orkuverkfrøði, forritan, skeið eftir egnum ynski umframt bachelorverkætlan
Innihald
Útbúgvingin gevur góðar førleikar í stødd, alis og orkufrøði við atliti at m.a. burðardyggari og umhvørvisvinarligari veiting av orku. Komið verður t.d. inn á, hvussu vaksandi orkutørvurin kann nøktast, og eisini hvat gerast kann fyri at minka um orkunýtsluna. Útbúgvingin er løgd soleiðis til rættis, at tú eftir fyrsta árið eftir nærri avtalu um val av skeiðum kanst fáa munandi ávirkan á innihaldið í tíni útbúgving.
Føroyar hava fjølbroyttar náttúrugivnar møguleikar fyri at vinna orku úr varandi orkukeldum sum t.d. vatni, vindi, sól, sjóvarfalli og aldu. Fyri samfelag okkara er tað ein serstøk avbjóðing at samband ikki er til aðrar orkuveitarar ígjøgnum eitt felags veitingarnet. Tí er týdningarmikið at fáa eina burðadygga lokala loysn, so Føroyar í størst møguligan mun kann verða sjálvforsýnandi við orku.
Ynskir tú at vera við til at loysa slíkar avbjóðingar og hava møguleika at lesa víðari uttanlands, so er hetta møguliga júst útbúgvingin fyri teg.
Próvtøkur
Próvtøka í skeiðunum er vanliga beint eftir at undirvísingin er lokin. Í ávísum førum telja avrik fyri uppgávur, ið verða givnar, meðan skeiðini eru í gongd, við í endaliga próvtalið.
Upptøkutreytir
reyt fyri upptøku er, at umsøkjari hevur miðnámsprógv og við nøktandi úrsliti hevur staðið:
- Støddfrøði á A-stigi við miðaltalinum minst 8 eftir 13-talsstiganum og minst 6 eftir 7-talsstiganum
- Alisfrøði á B-stigi
- Evnafrøði á C-stigi
Ella tú hevur staðið maskinmeistaraprógv við miðaltalinum:
- Minst 9 eftir 13-talsstiganum
- Minst 7 eftir 7-talsstiganum
Hjá teimum, ið søkja inn eftir kvotu 2 kunnu aðrar fortreytir við javnsettum kunnleikastøði góðtakast eftir nærri meting.
Undirvísingin gongur fyri seg á - og er bygd á - tilfar á føroyskum, donskum og enskum. Vit vænta tí, at tey lesandi hava nøktandi førleika á hesum málum.
Framtíðarmøguleikar
Útbúgvingin gevur tær grundarlag fyri starvsmøguleikum innan verkfrøði, ráðgeving og fyrisiting hjá privatum og almennum virkjum og stovnum.
Framhaldandi útbúgving
Eftir at hava tikið hesa útbúgvingina hevur tú møguleika at útbúgva teg víðari á øðrum universitetum kring heimin.
Nærri kunning
Nærri kunning fæst við at venda tær til Toke Meier Carlsen, útbúgvingarleiðara, tokemc@setur.fo