1024.20 - Byrjanarskeið til føroyskt

1024.20

Byrjanarskeið til føroyskt

0

Studenturin skal vera innskrivaður til BA- ella hjánámslestur í føroyskum.

Skeiðið gevur studentinum vitan um hugtøk, frøðiheiti og kanningarhættir, sum eru grundleggjandi í arbeiðinum við føroyskum máli, bókmentum og tjóðfrøði á akademiskum stigi. Harumframt fyrireikar byrjanarskeiðið studentin til eitt virkið lestrarlív og vísir, um studenturin er til reiðar at fara undir skipaðan akademiskan lestur.

Undirvíst verður í føroyskum máli, bókmentum og tjóðfrøði við denti á grundleggjandi hugtøk, frøðiheiti og háttaløg. Skeiðið varir tvær vikur og er partur av øllum skeiðum, bæði málsligum og bókmentaligum, fyrsta árið á BA-náminum og er at rokna sum partur av ECTS-stigunum, sum hesi skeið geva. Í orðaskifti og við virknari luttøku sleppa studentarnir at vísa, at teir eru til reiðar og megna at fara undir skipaðan akademiskan lestur.

Fyrilestrar, framløgur, bólkaarbeiði og stovnsvitjanir.

Eftir lokið skeið skal studenturin: • duga at lýsa, hvat tað er og krevur at lesa føroyskt á akademiskum stigi • duga at greiða frá grundleggjandi hugtøkum og arbeiðsháttum í mál- og bókmentavísindum • duga at greiða frá, hvat eyðkennir tjóðfrøði sum frøðigrein

90% luttøka og ein skrivlig innlating á 300-400 orð við hugsanum um útbúgvingina, hví studenturin hevur valt hana og hvat studenturin væntar at fáa burtur úr lestrinum. Endurpróvtøka: skrivlig próvtøka í 2 tímar. Staðið byrjanarskeið er treyt fyri framhaldandi lestri.

Innanhýsis

P-talsstigin

Zakaris Svabo Hansen