1463.19 - Kyn í føroyskum bókmentum (MA)

1463.19

Kyn í føroyskum bókmentum (MA)

10

Studenturin skal hava staðið BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

Endamálið við skeiðinum er at kunna seg við og brúka kynjaástøði í bókmentagreining.

Lisnir verða ástøðiligir tekstir um kynjafrøði eftir Simone de Beauvoir, Judith Butler, Toril Moi, Pierre Bourdieu, R. Connell, Jørgen Lorentzen og kanska onnur við. Ástøðini skulu geva innlit í, hvussu lýsingarnar av maskuliniteti og femininiteti í føroyskum bókmentum eru skipaðar. Lisin verða úrvald verk eftir t.d. Regin í Líð, Heðin Brú, William Heinesen, Jóhonnu Mariu Skylv Hansen, Andreu Reinert, Oddvør Johansen, Carl Jóhan Jensen, Jóanes Nielsen, Tórodd Poulsen, Bergtóru Hanusardóttur og Katrin Ottarsdóttur.

Lærara- og studentaframløgur og uppgávur. Dentur verður lagdur á framløgu og orðaskifti.

Tá skeiðið endar, duga studentarnir at • sjálvstøðugt greina tekstir bókmentafrøðiliga • greiða frá føroyskari bókmentasøgu úr kynjasjónarhorni • lýsa viðkomandi hugtøk í kynjafrøði • brúka kynjafrøðilig ástøði í bókmentagreining • hugsa kritiskt um bókmentaliga kynjagreining

Samansett próvtøka við spurningi og framløgu. Studentarnir fáa 3 dagar at fyrireika munnliga framløgu (30 min.) við tilfari um uppgivið evni.

Uttanhýsis

7-talsstigin

Verður útflýggjaður á Moodle í seinasta lagi við skeiðsbyrjan.

Malan Marnersdóttir