1015.06 - Málnýtsla
Skeiðsnummar
1015.06
Heiti
Málnýtsla
ECTS
8
Endamál
Endamálið við lærugreinini er, at studenturin lærir seg at greina málnýtslu og stíl á valdum yrkisøkjum, ognar sær ástøðiligan kunnleika um málnýtslu og stílfrøði og fær venjing í at meta og laga mál til ymiska nýtslu.
Innihald
Eitt úrval av munnligum og skrivligum yrkistekstum verður greint við atliti at ymsum frøðiligum sjónarhornum. Talan kann vera um stílfrøði, tungulist, samfelagsmálfrøði ella diskursiva greining. Greind kunnu verða dømi um politiskt mál, ítróttarmál, vísindaligt mál, fjølmiðlamál ella undirvísingartekstir. Eisini kunnu tekstir hjá valdum bólkum verða kannaðir, sum t.d. barnamál, ungdómsmál.
Ástøði um stíl og málnýtslu verður lisið og viðgjørt í samanhangi við greindu málsligu dømini fyri at stuðla undir øðrumegin fatan av málfjølbroytni og hinumegin innlit í støðið undir málrøkt og metingum um gott og vánaligt mál.
Studenturin ognar sær venjing í at meta og laga mál til ymisk endamál.
Próvtøka: Til próvtøkuna skal studenturin duga at
- umrøða uppgivið ástøði
- greina ein tekst við atliti at málnýtslu- og stíleyðkennum
- seta greindan tekst í samband við lisið ástøði
Lestrarlisti: Til próvtøkuna verða uppgivnar uml. 200 síður av ástøðiligum teksti um málnýtslu og hóskandi síðutal av tekstdømum.
Læru- og undirvísingarhættir
2 tímar um vikuna í 2 lestrarhálvur ella samsvarandi.
Próvtøkuháttur
Studenturin kann 1: fara til skrivliga roynd í 6 tímar. Studenturin skal einki taka við sær. Neyðugu tekstirnir verða útflýggjaðir.
Ella: 2: fara til munnliga roynd við hálvtíma fyrireiking.