1418.15 - Barnabókmentir (MA)

1418.15

Barnabókmentir (MA)

10

Studenturin skal hava staðið BA í føroyskum við góðum úrsliti ella hava samsvarandi fortreytir. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

At tú ognar tær kunnleika um føroyska barnabókmentasøgu og fyritreytir hennara; harumframt innlit í barnabókmentagransking. At tú fært førleika at arbeiða kritiskt við barnabókmentum. Tá skeiðið er lokið, skalt tú kunna skilja vísindatekstir um evnið og duga at nýta teir í greining av barnabókmentaligum evnum og tekstum.

Dentur verður lagdur á barnabókmentir alment og serstakliga barnabókmentir í Føroyum og støðu teirra. Tú fert at lesa um barnabøkur søguliga og ástøðiliga alment og í Føroyum.

Undirvíst verður 3 tímar um vikuna í eina hálvu. Undirvísingin verður fyrilestrar og framløgur hjá lærara og teimum lesandi og lutvíst framløgur við støði í bólkaarbeiði.

Tá ið skeiðið er liðugt, skalt tú vera før/ur fyri at: • Lýsa barnabókmentir sum alment hugtak. • Lýsa føroyska barnabókmentasøgu ástøðiliga og søguliga. • Nýta frøðimálið, sum hoyrir til evnið. • Lýsa støðuna hjá barnabókmentum í bókmentastovninum og samfelagnum úr søguligum og samtíðarligum sjónarhorni. • Orða teg um barnabókmentir munnliga og skrivliga. • Arbeiða sjálvstøðugt og at halda evstamørk. • Leita fram tilfar um evnið og kritiskt skifta orð um tað.

Frí heimauppgáva

Uttanhýsis

• Nýggj leiti. Seks greinar um føroyskar barnabøkur 2003-2009. Sprotin 2013. • Sigurðardóttir, Turið. 2004. “Robinson Kruso á føroyskum: Mentan og politikkur”. Bókmentasøgur. Føroya Fróðskaparfelag: 32-71. Er á www.setur.fo • Sigurðardóttir, Turið. [kemur fyrst í 2015]. Føroyskar barnabókmentir. Søguligt umhvarv og greiningar. • Umframt tað verða ymiskar greinar lisnar.

Tóta Árnadóttir