1134.12 - Bókmentagreining I

1134.12

Bókmentagreining I

5

Bókligt (t.e. gymnasialt) miðnámsprógv við góðum próvtali í føroyskum á A stigi, umframt B stig í donskum og enskum.

Tann lesandi skal ogna sær undirstøðukunnleika um tekstgreining við serligum denti á at greina eitt av teimum fagurbókmentaligu tekstsløgunum og ogna sær kunnleika um greiningarhugtøk, serliga við atliti at einum av teimum fagurbókmentaligu tekstsløgunum. Dentur verður lagdur á, at tann lesandi lærir seg hegnið at greina eitt av teimum fagurbókmentaligu høvuðstekstsløgunum og at nýta greiningarhugtøk í hesum sambandi.

Lisnar verða grundbókmentir í tekstgreining, serliga við atliti at einum av teimum fagurbókmentaligu høvuðstekstsløgunum. Lisin og greind verða ymisháttað dømi um serliga eitt av teimum fagurbókmentaligu tekstsløgunum.

Undirvíst verður 2 tímar um vikuna í eina lestrarhálvu. Undirvísingin er skipað sum floksundirvísing við lærara- og studentaframløgum, skrivligum venjingaruppgávum og bólkaarbeiði.

Tann lesandi skal duga at • greina skaldsligar tekstir av einum av høvuðstekstsløgunum • greiða frá eyðkennunum hjá einum av høvuðstekstsløgunum • lýsa tilgongdina í egnum tekstgreiningum í einum av høvuðstekstsløgunum • miðla greiningarúrslit innan fyri eitt av høvuðstekstsløgunum • seta fram greiningarúrslit um eitt av høvuðstekstsløgunum munnliga og skrivliga í hóskandi málsligum búna.

Skrivlig roynd í 4 tímar í ókendum teksti, sum verður útflýggjaður. Eingi hjálparamboð eru loyvd.

Innanhýsis

P-talsstigin

Leiðbeinandi lestrarlisti sæst á heimasíðuni www.setur.fo/foeroyamalsdeildin

Turið Sigurðardóttir