1136.12 - Bókmentafrøði

1136.12

Bókmentafrøði

6

Bókligt (t.e. gymnasialt) miðnámsprógv við góðum próvtali í føroyskum á A stigi, umframt B stig í donskum og enskum.

At fáa kunnleika um bókmentafrøðilig háttaløg og førleika at greiða frá ástøði, grundum, próvførslu, mannagongdum og endamálum teirra.

Bókmentafrøðilig háttaløg verða viðgjørd og dømi løgd fram til tess at lýsa ástøði, mannagongdir og endamál teirra. Til dømis kunnu nýkritikkur og strukturalisma verða viðgjørd; eisini kunnu hugmyndafrøðilig, hugmyndasøgulig, sálarfrøðilig, móttøkufrøðilig, eftirlandafrøðilig ella onnur háttaløg og sjónarhorn verða viðgjørd. Kannað verður, hvussu ymiskt tey viðgjørdu háttaløgini greina og tí eisini fata bókmentir listfrøðiliga (estetiskt), hugmyndafrøðiliga og samskiftisliga. Hugt verður at valdum bókmentaritgerðum og –greinum við atliti at spurninginum um, hvørji háttaløg tær umboða.

Undirvísingin er skipað sum floksundirvísing við lærara- og studentaframløgum og bólkaarbeiði. Tey lesandi skriva eina 14-dagauppgávu ella tvær vikuuppgávur um evni, sum lærarin ásetir.

Tann lesandi skal duga at • lýsa bókmentafrøðilig háttaløg og seta tey í søguligt høpi • greiða frá bókmentafrøðiligum háttalagi í valdum bókmentaritgerðum

Tann lesandi skrivar eina bundna heimauppgávu, sum skal vera uml. 10 síður til longdar, og tann lesandi fær 14 dagar at skriva hana í.

Uttanhýsis

Lestrarlistin skal vera umleið 200 síður av bókmentafrøðiligum ástøði og bókmentaritgerðum til samans. Leiðbeinandi lestrarlisti sæst á heimasíðuni www.setur.fo/foeroyamalsdeildin

Turið Sigurðardóttir