1481.21 - Sosiofonetiskt kanningararbeiði (MA)

1481.21

Sosiofonetiskt kanningararbeiði (MA)

10

Studenturin skal hava staðið BA í føroyskum ella samsvarandi. Til ber eisini at taka skeiðið við øðrum fortreytum (víst verður til galdandi námsskipan).

Endamálið við skeiðinum er at geva studentunum innlit í granskingargreinina Sosiofonetikk og førleikar kritiskt at arbeiða við tí evninum. Studentarnir fáa innlit í ástøði og gransking á økinum, førleikar at greiða frá og meta um sosiofonetisk hugtøk og haraftrat verkligar førleikar í háttalagi, greining og tøkni, sum verður nýtt til sosiofonetisk endamál.

Sosiofonetikkur nemur við partar av klassiskum samfelagsmálvísindum og sameinir hetta við fonetiska greining. Innihaldið í skeiðinum er tvíbýtt: Annar partur snýr seg um ástøði og innlit í fonetisk og samfelagsmálvísindalig háttaløg umframt vitan um granskingina á økinum. Hin parturin fevnir um veruligt kanningararbeiði og verkligar royndir: innsavning av egnum málsligum tilfari, tøkniliga viðgerð av tilfari og síðani greining av egnum tilfari. Studenturin lærir at viðgera og sjálvstøðugt at greina egið tilfar í hóskandi forriti. Ígjøgnum arbeiðið á skeiðinum fær studenturin eisini beinleiðis kunnleika um ljóðini í føroyskum talumáli og hvussu arbeiðast kann nágreiniliga við hesum. Studenturin fær eisini kunning um granskingaretikk og um at útinna kanningararbeiði í samsvari við dátuverndarlógina.

Fyrilestrar, studentaframløgur, bólkaarbeiði, kanningararbeiði.

Tá skeiðið er lokið, eigur tann lesandi at vera før/ur fyri at: - Greiða frá sosiofonetiskum ástøði og meta kritiskt um gransking í sosiofonetikki - fyrireika og útinna kanningararbeiði í verki og meta sjálvstøðugt um kanningararbeiðið og háttalagið - lýsa talað mál við at avskriva og ljóðskriva eftir ávísum leistum - vísa førleika í at ljóðuppbýta talu eftir ávísum leistum - greina talað mál við at viðgera og meta um framburð eftir ávísum leistum - grundgeva fyri og meta um greiningarleistirnar, ið nýttir verða - viðgera og sjálvstøðugt greina egið innsavnað tilfar og meta um háttalag, ið nýtt verður til greining - skriva fakliga um evnið.

Bundin heimauppgáva

Uttanhýsis

7-talsstigin

Kendall T. & Friedland V. (2021) Sociophonetics. Cambridge: Cambridge University Press. ISBN: 987-1-316-62803-4 Petersen, H. P. (2021) Føroysk mállæra 3: Ljóðlæra. Tórshavn: Nám Víðkaður lestrarlisti verður útflýggjaður við skeiðsbyrjan. Afturat hesum báðum lærubókum verða einkultir kapitlar úr øðrum lærubókum lisnir, umframt vísindaligar greinar, praktiskar vegleiðingar og aðrir tekstir. Hesir verða útflýggjaðir studentunum.

Zakaris Svabo Hansen