1494.22 - Norn og máldeyði (MA)

1494.22

Norn og máldeyði (MA)

10

Studenturin skal hava staðið BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

Endamálið er, at tann lesandi ognar sær hollan kunnleika um meginhugtøk, ástøði og háttaløg, sum málfrøðingar nýta at viðgera máldeyða, við serligum denti á norn og málskiftið frá norn til skotskt.

Tematiskt er skeiðið í tveimum. Annar parturin snýr seg um útdeyða málið norn og keldur tess, serstakliga Hildinakvæði. Hin parturin er ein almenn innleiðsla í fyribrigdið máldeyða við serligum atliti at norn og máldeyða tess.

Undirvísingin verður skipað sum læraraframløgur, framløgur hjá teimum lesandi og kjak.

Eftir lokið skeið er tann lesandi før/ur fyri at: • greiða frá og meta um ástøði og háttaløg, ið viðgera máldeyða • greiða frá norn og meta um tær keldur, ið finnast til hetta útdeyða mál • greina máldeyða tess við ástøðiligum hugtøkum • geva boð upp á eina dagfesting av máldeyða tess út frá teimum keldum og upplýsingum, ið eru til taks.

Skrivlig próvtøka í 6 tímar.

Uttanhýsis

7-talsstigin

Verður útflýggjaður við lestrarbyrjan og lagdur á Moodle.

Zakaris Svabo Hansen