1470.20 - Nútíðarføroyskt. Fonologi og morfologi (MA)

1470.20

Nútíðarføroyskt. Fonologi og morfologi (MA)

10

Studenturin skal hava staðið BA í føroyskum ella samsvarandi. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

Endamálið við skeiðinum er, at studenturin lærir grundleggjandi heiti í fonologi og morfologi og fær eina grundleggjandi fatan av føroyskari fonologi og morfologi. Studenturin skal eisini eftir lokið skeið kunna arbeiða kritiskt við hesum evnum.

Vit lesa ymiskt tilfar um føroyska fonologi og morfologi, og vit arbeiða við praktiskum spurningum um evnini. Til hetta endamálið verður arbeitt við tekstkorpusi. Eisini skulu studentarnir ljóðskriva smærri petti fyri at fáa betri innlit í ljóðskriftina.

Pultundirvísing, studentaframløgur, bólkaarbeiði.

Eftir lokið skeið er studenturin førur fyri • at nýta tilfarið í víðari arbeiði sínum við føroyskum ljóðum, ljóðskipan og morfologi í breiðastu merking • at skriva fakliga um evnið • at skilja skipanina aftan fyri føroyska fonologi og morfologi • at miðla tilfarið og vitanina til onnur • at arbeiða kritiskt við bæði fonologi og morfologi • sjálvstøðugt at arbeiða víðari við hesum evnum.

Skrivlig próvtøka, 6 tímar. Øll hjálparamboð eru loyvd.

Uttanhýsis

7-talsstigin

Kristján Árnason. 2011. The Phonology of Icelandic and Faroese. (vit lesa partarnar um føroyska fonologi. ) G. Booij. 2007. The Grammar of Words. Aftur at hesum lesa vit ymiskar greinar um evnini.

Hjalmar Páll Petersen