1837.04 - Millumtekstleiki, ástøði og greiningaramboð
Skeiðsnummar
1837.04
Heiti
Millumtekstleiki, ástøði og greiningaramboð
ECTS
10
Endamál
Innleiðsla í bókmentalig ástøði um millumtekstleika og at gera ástøðið nýtiligt í ítøkiligari tekstagreining.
Innihald
Skeiðið er ein innleiðsla í bókmentalig ástøði um tann flutning millum tekstir, sum gongur undir heitinum millumtekstleiki, intertekstualitet. Harafturat skal ástøðið gerast nýtiligt í ítøkiligari tekstagreining. Ástøðiliga tilfarið er útlendskt, einamest á enskum. Skaldsligu verkini og tekstirnir eru norðurlendskir og úr øðrum evropeiskum bókmentum.
Fyrbils bókmentalisti:
Malan Marnersdóttir ”Intertekstualitet” í Om litteratur. Metoder og perspektiver. Ritstj. Leif Søndergaard. Systime, Århus 2003, s. 153-169.
sama ”V Flutningur millum tekstir” í Hvør av øðrum, Tórsh. 2000, s. 251-356.
Julia Kristeva ”Word, Dialogue and Novel” í The Kristeva Reader. Ritstj. Toril Moi. Basil Blackwell, Oxford 1986, s. 34-61.
G. Genette ”Gérard Genette och palimpsester” í Ord och bild nr. 3, 1990, bls. 18-36.
Læru- og undirvísingarhættir
3 tímar um vikuna, týsdag. Heysthálvan 2004, 45 tímar.
Próvtøkuháttur
Bundin ella frí heimauppgáva.
Ábyrgd
Malan Marnersdóttir