1413.14 - Søgulig málvísindi (MA)

1413.14

Søgulig málvísindi (MA)

10

Studenturin skal hava staðið BA í føroyskum við góðum úrsliti ella hava samsvarandi fortreytir. Til ber eisini at taka skeiðið sum stakskeið við øðrum fortreytum (víst verður til galdandi námsskipan).

At geva tær innlit og evni at arbeiða við søguligum broytingum í serliga føroyskum.

At geva tær innlit í søgulig málvísindi; geva tær innlit í ástøði um, hví mál broytast og hvussu.

Undirvíst verður 3 tímar um vikuna í eina hálvu. Undirvísingin verður fyrilestrar og framløgur hjá studentinum; arbeitt verður partvíst við kvæðatekstum. Arbeitt verður eisini við smáum uppgávum um málbroyting í tímunum.

Tú skalt kenna til tey mest grundleggjandi heitini innan søgulig málvísindi, og tú skal duga at meta um ymiskar broytingar, sum henda í serliga føroyskum. Tú skalt duga at lesa vísindaligar tekstir um evnið, kenna ymisk háttaløg innan fakið, duga at arbeiða diakront við málsligum data og duga kritiskt at skifta orð um, hví og hvussu eitt mál eins og føroyskt broytist, og hví variatión er í málinum. Eisini skalt tú eftir lokið skeið duga at siga, hvat tað er, sum serliga eyðkennir føroyskt.

Munnlig próvtøka við Power Point framløgu. Tú fært ein spurning síðsta undirvísingardag. Hann byggir á pensumlistan, og tú hevur eina viku at fyrireika eina Power Point framløgu, sum skal vara í 20 minuttir + 10 minuttir til spurningar. Til próvtøkuna er bert loyvt at hava framløguna við.

Uttanhýsis

Historical Linguistics. L. Champbell. Aftur at hesum verða ymiskar greinar lisnar.

Hjalmar Páll Petersen