1430.16 - Málnýtsla (Sjálvlestrarevni) (MA)

1430.16

Málnýtsla (Sjálvlestrarevni) (MA)

10

Studenturin skal hava staðið BA í føroyskum ella hava samsvarandi fortreytir.

At tann lesandi fær innlit í og lærir sjálvstøðugt at meta um, greina og lýsa málnýtslu og stíl á ymsum stigum og á ymsum yrkisøkjum.

Við støði í viðkomandi ástøði um málnýtslu verður eitt úrval av munnligum og skrivligum yrkistekstum greint við atliti at ymsum frøðiligum sjónarhornum. Talan kann vera um stílfrøði, tungulist, samfelagsmálfrøði ella diskursiva greining. Greind verða dømi um m.a. politiskt mál, ítróttarmál, vísindaligt mál, fjølmiðlamál ella mál í undirvísingartekstum.

Skeiðið verður skipað sum sjálvlestrarevni, so tað samsvarar við 3 tímar um vikuna í eina lestrarhálvu.

Tá ið skeiðið er lokið, hevur tann lesandi: • fingið hollan ástøðiligan kunnleika um málnýtslu og málnýtslugreining • fingið førleika sjálvstøðugt og kritiskt at nýta amboð at greina málnýtslu og stílfrøði • lært og fingið venjing í at meta um og laga mál til ymsa nýtslu eftir móttakara og samteksti • lært at seta greindan tekst í samband við lisið ástøði • lært at hugsa og meta kritiskt um málnýtsluástøði • lært at nýta frøðimálið, sum hoyrir til evnið • fingið fatan av málfjølbroytni • fingið innlit í støðið undir málnormum

Skrivlig roynd í 6 tímar. Til próvtøkuna er loyvt at hava við: føroyskar orðabøkur, uppgivið tilfar og tilfar, sum nýtt er í undirvísingini.

Uttanhýsis

7-talsstigin

Wenche Vagle, Margareth Sandvik og Jan Svennevig. 2004. Tekst og kontekst. En innføring i tekstlingvistikk og pragmatikk. J.W Cappelens forlag. Harumframt verða ástøðiligar greinir lisnar og dømi um ymsa málnýtslu gjøgnumgingin. Pensum: 800 normalsíður til samans av ástøðiligum teksti um málnýtslu og hóskandi síðutal av tekstdømum.

Zakaris Svabo Hansen