1428.16 - Ritverkið hjá Steinbjørn B. Jacobsen

1428.16

Ritverkið hjá Steinbjørn B. Jacobsen

10

BA í føroyskum. Møguleiki er eisini fyri at taka skeiðið sum stakskeið (sí námsskipanina).

Studenturin skal ogna sær nágreiniligan kunnleika um ritverkið hjá Steinbjørn B. Jacobsen (1937-2012) og støðu tess í føroyskari bókmentasøgu. Eisini skal studenturin ogna sær neyvt innlit í almennar ástøðiligar og søguligar spurdómar viðvíkjandi hugtakinum høvundarverk.

Eitt umboðandi úrval av tekstum úr ritverkinum hjá Steinbjørn B. Jacobsen verður lisið og viðgjørt. Alment ástøði og serástøði viðvíkjandi bókmentaligum ritverki verða umrødd, viðgjørd og sett í samband við tað kannaða ritverkið.

Lærara- og studentaframløgur av tilfari á lestrarlistanum. Umrøða um vald evnir viðvíkjandi ástøði, bókmentasøgu og tekstum eftir Steinbjørn B. Jacobsen. Venjingar, ið verða avgreiddar sum almenn framløgur munnlig, talgilt ella á prenti.

Dyggur kunnleiki um og innlit í ástøði um ritverk sum hugtak. Yvirlitsvitan og djúptarvitan um heildareyðkenni og sereyðkenni í ritverkinum hjá Steinbjørn B. Jacobsen. Djúptarfatan av ávísum tekstum eftir Steinbjørn og førleiki at staðseta teir í ritverkinum og bókmentasøguliga. Kunnleiki um hugtøk og spurdómar í gransking av ritverkshugtakinum. Førleiki at miðla tann vunna kunnleikan og innlitið.

Frí heimauppgáva.

Uttanhýsis

Ástøðiligir tekstir, í úrvali: Asdal, Kristin o.fl. 2008. Tekst og historie. Å lese tekster historisk. Universitetsforlaget. Oslo. Kittang, Atle. 1990. “Forfattarskap som studieobjekt. Nokkre ettertanker.” Historie tolkning tekst, tekst, tolkning historie. Odense Universitetsforlag.: 27-40. Bókmentatekstir: Úrval av yrkingum úr: Steinbjørn B. Jacobsen: Tinna og tám. Skaldsøgur: Hall og Kasta. Stuttsøgur: Á veg millum bygda Barnabøkur: m.a. Ryssubøkurnar, Grái steinur, Lítli Páll í Nólsoy Leikrit: Skipið Yrkisprosa: Brot úr Grund 1, 2.

Turið Sigurðardóttir