2165.18 - Sosialvísindi og samfelagsplanlegging í smátjóðum og oyggjasamfeløgum
Skeiðsnummar
2165.18
Heiti
Sosialvísindi og samfelagsplanlegging í smátjóðum og oyggjasamfeløgum
ECTS
10
Fortreytir
Bachelor í søgu, sosialvísindum og samfelagsplanlegging, politikki og umsiting ella samsvarandi útbúgving
Endamál
Endamálið við skeiðinum er at geva teimum lesandi víðkaðar førleikar í at viðgera hugtøk og ástøði innan sosialvísindi og planlegging í smátjóðir og oyggjasamfeløg.
Innihald
Við útgangsstøði í smátjóðir og oyggjasamfeløg:
Týdningarmikil hugtøk og ástøði um smátjóðir og oyggjasamfeløg
Úrvald hugtøk og ástøði um sosial viðurskifti og samfelag
Úrvald hugtøk og ástøði um planlegging og strategiskar planleggingartilgongdir
Úrvald empirisk øki um sosialar broytingar og burðardygd
Úrvald emirisk øki um vælferð, minnilutabólkar og millumentanarlig viðurskifti
Læru- og undirvísingarhættir
Skeiðið er grundað á eini samanseting av fyrilestrum, seminarvirksemi og bólkaarbeiði
Læruúrtøka
Lesandi skal verða før/ur fyri at:
Orða og miðla eina tvørvísindaliga fatan av sosialvísindum og planlegging á høgum støði.
Greina og diskutera týdningarmiklu leiklutirnar, ið sosialvísind og planlegging hava i einum framkomnum samfelagi
Finna og allýsa ítøkiligar trupulleikar og háttaløg í sosialvísindum og planlegging, ið hava týdning fyri eina fatan á høgum støði av samtíðar institutiónum, felagsskapum og sosialum viðurskiftum.
Velja væl grundað millum ymisk ástøði og ymiskar ástøðiligar tilgongdir, og hvussu hesar í praksis kunnu nýtast til at fata, hvønn leiklut sosial sambond og viðurskiftir, institutiónir og felagsskapir hava í at menna samfelagið.
Greina og diskutera sosialar og institutionellar broytingar, og hvørji krøv hesar seta samfelagnum og planlegging.
Hugsa um (umrøða) omanfyrinevndu viðurskifti í mun til smátjóðir og oyggjasamfeløg.
Próvtøkuháttur
Tiðarbundin skrivlig einstaklingauppgáva (4-5.000 orð)
Próvdøming
Innanhýsis
Próvtalsstigi
7-talsstigin
Lestrarlisti
Bókmentalistin verður útvegaður á Moodle
Ábyrgd
Erika Anne Hayfield