8706.16 - Fólkaheilsa
Skeiðsnummar
8706.16
Heiti
Fólkaheilsa
ECTS
15
Fortreytir
BSc í sjúkrarøkt
Ískoytisútbúgving á BSc stigi fyri heilsustarvsfólk
Heilsuvísindalig útbúgving á bachelorstigi
Aðrar viðkomandi bachelorútbúgvingar
Endamál
Endamálið við skeiðinum er,
- At lesandi ogna sær vísindagrundaða vitan um og førleika til at greina týdningarmikil viðurskifti innan fólkaheilsu
- At lesandi menna førleikar innan mest nýttu kvantitativar granskingarhættirnar innan fólkaheilsufrøði, epidemiologi og statistikk
- At lesandi ogna sær vísindagrundaða vitan og førleika at meta um og menna fólkheilsuátøk; herundir heilsufremjandi og fyribyrgjandi tiltøk fyri føroyska fólkið sum heild og tiltøk, ið miðja móti serstøkum bólkum í samfelagnum
- At lesandi menna førleikar og ogna sær vísindagrundað amboð at menna praksis við atlit til fólkaheilsu í Føroyum
Skeiðið er eisini grundarlag undir framhaldandi førleikamenning innan heilsuvísindaliga gransking í komandi skeiðum.
Innihald
Á skeiðinum verður dentur lagdur á:
- Epidemiologi og statistikk sum háttaløg
- Altjóða og tjóða gransking innan fólkaheilsu
- Fólkaheilsu sum hugtak og samfelagslig viðurskifti
- Høvuðstættir og avbjóðingar innan fólkaheilsu
- Fólkaheilsustøðan í Føroyum
- Týdningurin av fólkaheilsu innan praksis í heilsuverkinum og almannaverkinum
Læru- og undirvísingarhættir
Undirvísingin er skipað við skifti millum fyrilestrar, dialog, lesibólkar, bólkarbeiði og sjálvlestur.
Læruúrtøka
Aftaná skeiðslok skal lesandi
- Greiða frá fólkaheilsu sum vísindagrundað tvørfakligt hugtak
- Greina samspælið millum samfelagslig viðurskifti og fólkaheilsu
- Greina høvuðstættir og avbjóðingar innan fólkaheilsu bæði í altjóða og tjóða perspektivi
- Greina og meta um altjóða og tjóða fólkaheilsuátøk
- Meta um úrslit frá vísindaligum kanningum innan fólkaheilsu og fyribyrging
- Meta um týdningin av teimum mest nýttu háttaløgunum innan fólkaheilsugransking
- Meta um granskingarúrslit úr kanningum innan fólkaheilsu, ið nýta epidemiologisk og statistisk háttaløg
- (Viðgera ein spurdóm frá praksis við støði í vísindagrundaða vitan innan fólkaheilsu
Próvtøkuháttur
Próvtøkan er ein skrivlig einsæris ella bólkauppgáva
Próvdøming
Innanhýsis
Próvtalsstigi
7-talsstigin
Lestrarlisti
Verður ásettur í undirvísingarskránni
Ábyrgd
Marin Strøm