6340.24 - Broytingarleiðsla
Skeiðsnummar
6340.24
Heiti
Broytingarleiðsla
ECTS
5
Fortreytir
Bachelorútbúgving
Endamál
Endamálið við skeiðinum er, at tann lesandi yvirskipað skal skilja ymisku tættirnar, sum leiðslan í almennum- eins og privatum organisatiónum skal taka sær av, í samband við broytingarleiðslu. T.v.s. skilja ástøðiliga og í verki, hvussu broytingarleiðsla, ávirkar eina organisatión og starvsfólkahópin, og hvønn leiklut leiðarin hevur í hesum høpi.
Innihald
• Klassisk og nútímans ástøði og gransking um broytingartilgongdir
• Mótstøða og konflikt í samband við broytingar
• Volatility, Uncertainty, Complexity og Ambiguity (VUCA)
• Liniærar og sirkulerar broytingarmyndlar
• Broyting vegna:
o fusiónir, ella samanleggingar
o bygnaðarbroytingar
o fakliga menning
o nýggja tøkni, kunningartøkni
o nýggj lógarkrøv, t.d. umhvørvisátøk og burðardygd
o rationalisering
o nýggj faklig markamót
Læru- og undirvísingarhættir
Fyrilestrar, bólkaarbeiði, kjak, praksisuppgávur so sum eygleiðingar, kortleggingar, strategiformuleringar í egnari organisatión, framløgur frá lesandi og sjálvlestur.
Læruúrtøka
Eftir lokið skeið, skal lesandi verða førur fyri at:
• Nýta gransking og vitan um broytingarleiðslu til greining av eini organisatión, umframt at meta um hvørjar leiðsludygdir eru neyðugar í hesum sambandi.
• Greiða frá, greina og meta um týdningin av meiningsskapan, samskifti og sosialum sambondum í organisatiónum, tá talan er um broytingarleiðslu
• Lýsa og greiða frá hvørja ávirkan kompleksitetur í dagsins seinmodernaða samfelagi hevur á almennar stovnar og privatar fyritøkur, soleiðis at broytingarleiðsla er neyðug
• Lýsa og greiða frá ymiskum broytingarleiðslu- ástøðum og myndlum og hvussu hetta kann brúkast í verki
• Kritiskt reflektera yvir og gera brúk av leiðsluástøði og gransking, um hvussu ein leiðir starvsfólk í mun til eina broytingartilgongd
Próvtøkuháttur
Munnlig próvtøka á 30 min. Fyrst er ein framløga á 20 min. Í hesi framløgu skal týðuliga koma fram hvat tann lesandi hevur lært um broytingarleiðslu og hvussu hendan læring og vitan sæst aftur í verki í egnari organisatión og leiðslustarvi. Tikið verður saman um próvtøkuna við einum ófyrireikaðum fakligum dialogi (ca. 8-10 min.).
Próvdøming
Uttanhýsis
Próvtalsstigi
7-talsstigin
Lestrarlisti
Áleið 500 síður
Ábyrgd
Súsanna Olsen