2445.16 - Starvslestur – sjálvlestrarskeið í lóg

2445.16

Starvslestur – sjálvlestrarskeið í lóg

10

Bachelor prógv ella samsvarandi við nóg mikið av løgfrøði

At næmingurin fær royndir úr veruligum løgfrøðiligum arbeiðsumhvørvi, við tí endamáli at royna lærdómin í verki. Sum part av lesnaðinum skal hin lesandi fáa innlit í heimildarlóg og viðtøkur (grundarlag) hjá stovninum, umframt at hin lesandi skal arbeiða við ítøkiligum løgfrøðiligum uppgávum, helst uppgávur av slíkum slagi, ið eru beinleiðis viðkomandi fyri skeið, ið undirvíst verður í á útbúgvingini annars.

Skeiðið krevur, at hin lesandi sjálv/ur finnur ein starvslestrarstað. Í útgangsstøði skal starvslestrarstaðið vera í Føroyum, ella vera beinleiðis knýtt at Føroyum, men í serligum føri ber til at fara í starvslestur á fremmandum staði, ið beinleiðis kann knýtast at fakum, ein hevur á master í lóg á Fróðskaparsetrinum. Starvslestrarstaðið skal góðkennast av útbúgvingarleiðara í samráð við viðkomandi starvsfólk á staðnum. Tann lesandi skal í minsta lagi hava verið til arbeiðis í 100 tímar á viðkomandi arbeiðsplássi.

Sjálvlestur við leiðbeining eftir tørvi. Tann lesandi skal gera eitt so mikið nøktandi arbeiði, at stjóri ella útbúgvin løgfrøðingur, ið starvast saman við tí lesandi, gevur sítt viðmæli eftir loknan starvslestur. Hin lesandi skal somuleiðis skriva eina minimum 15 síður frágreiðing um, hvat tann lesandi hevur gjørt, ið Fróðskaparsetrið góðkennir. Frágreiðingin skal vera deild í tveir eins langar partar. Annar parturin skal innihalda eina praktiska frágreiðing um starvsvenjingina, hvørjar mest týðandi uppgávurnar vóru, og hvussu arbeiðsgongdin annars var á staðnum. Hin parturin skal vera fakligur og meira nágreiniliga lýsa ein ella fleiri løgfrøðiligar spurningar, ið tann lesandi velur at gera serliga nógv burtur úr undir starvslestrinum. Fakligi parturin skal í bygnaði líkjast vanligum akademiskum uppgávum og kann til dømis vera ein ástøðilig lýsing av rættarstøðuni á ávísum rættarøki.

Tey lesandi skulu: - Fremja nøktandi løgfrøðiligt arbeiði í verki. - Sýna fatan av venjulóg og menning av lóg í verki. - Miðla og orða vitan og framløgu vandaliga merkt av greiðari málsligari og fakligari fatan.

Innanhýsis próvdøming Staðið/ikki staðið

Innanhýsis

P-talsstigin

Bárður Larsen