2422.15 - At skriva serritgerð í lóg

2422.15

At skriva serritgerð í lóg

5

Innskrivaði á master løgfrøði

At fyrireika lesandi at skriva serritgerð á master í løgfrøði. Tey lesandi skulu vegleiðast at fara undir at skriva serritgerð vitandi um viðkomandi formlig og tøknilig krøv. Tey lesandi skulu gerast varug við fakligi málini í ritgerðum, tá ið ræður um at seta upp spurdóm, lýsa háttalag, skipa, tilvísa í teksti og notum, keldulista, grundgeva retoriskt, logiskt og pragmatiskt, og harafturat nøktandi at vitja øll viðkomandi sløg av heimildum og á hóskandi hátt velja, avmarka og lýsa tær, umframt at koma til haldgóðar niðurstøður.

Tey lesandi skulu undan skeiðnum hava valt sær evni at skriva um (tó at tey ikki verða kravd at skriva serritgerð um júst hetta evnið). Tey lesandi skulu síðani ganga ígjøgnum týðandi ástøði og praktiskar forskriftir fyri lógkønari skriving alment og serliga ritgerðum. Út frá valda evninum skal so tilfar savnast og skipast samsvarandi haldgóðum háttalagi. Tey lesandi skulu loksins skriva lýsing av ætlaðari serritgerð við spurdómi, háttalagi, skipan og keldulista.

Undirvísingin verður skipað við fyrilestrum umframt studentaframløgum, har tey lesandi skulu greiða frá ætlanum og háttaløgum. Síðani verða tey lesandi í sjálvlestri og eftir vegleiðing at finna og savna tilfar og menna verkætlanina.

Tey lesandi skulu: -Orða ritgerðarspurdóm. -Greiða frá háttalagi. -Sýna førleikan at finna, savna og skipa keldur. -Sýna førleika at skipa ritgerð.

Innanhýsis próvdøming Tey lesandi lata inn skrivliga lýsing av uppskoti um ritgerð.

Innanhýsis

P-talsstigin

Bárður Larsen Tilfarssavn – tøkt á FirstClass

Bárður Larsen