2436.15 - Barnarættur

2436.15

Barnarættur

10

Bachelor prógv ella samsvarandi við nóg mikið av løgfrøði

At veita innlit í tær lógir og meginreglur, sum áseta rættarstøðuna hjá børnum, bæði í mun til sambandið millum børn og foreldur, herundir um foreldramyndugleika, samveru v.m., og sambandið millum foreldur og barnaverndarmyndugleikar, herundir fyriskipanir í sambandi við vanda fyri heilsu og menning barnsins v.m. Dentur verður lagdur á at veita innlit í mest týðandi reglur og tinglógir á økinum, m.a. barnaverndarlógina, lóg um foreldramyndugleika og samveru og barnarættindasáttmálan undir ST og fremjing av hesum sáttmála í innlendis rætti. Eisini verður leikluturin hjá ymsu fyrisitandi og rættarskapandi stovnunum lýstur, so sum Løgtinginum, vanligu rættarskipanini, barnaverndartænastum og Høvuðsbarnaverndarnevndini, Ríkisumboðnum, kærunevnd og Løgtingsins Umboðsmanni í leiklutinum sum barnaumboðsstovni.

Barnaverndarættur Skeiðið byrjar við barnaverndarrættinum. Høvuðstættir, sum verða gjøgnumgingnir í barnaverndarrættinum, eru m.a.: - Grundreglur í barnaverndarrættinum, herundir um § 1 í barnaverndarlógini og endamálið við lógini. - Reglurnar um fyriskipanir eftir kap. 4 í barnaverndarlógini, herundir um - Fyribyrgjandi fyriskipanir, so sum sálarfrøðiliga hjálp, stuðul í heiminum ella skipan við umlættingarforeldrum - Rættin at taka yvir umsorgan av børnum - Val av fosturforeldrum - Samverurætt aftan á umsorganaryvirtøku - Uppfylging av fyriskipanum, herundir tá fyriskipan endar, og børn møguliga verða heimgivin. - Rættin til samveru aftan á umsorganaryvirtøku - Kanningar eftir § 45 í barnaverndarlógini - Serligar fyriskipanir fyri børn við atferðartrupulleikum - Myndugleikabygnaðurin á barnaverndarøkinum - Málsviðgerðarreglur av serligum týdningini fyri barnaverndarøkið, eitt nú reglur um tagnarskyldu. Sambandið millum børn og foreldur Skeiðið heldur á við sambandinum millum børn og foreldur, herundir m.a. reglurnar um: - Áseting av foreldramyndugleika, eitt nú í sambandi við skilnað, avtalaðan felags foreldramyndugleika v.m. - Útinnan av foreldramyndugleika og um hansara innihald, eitt nú í sambandi við reglurnar um barnsins med- og sjálvsavgerðarrætt. - Samveru, tá barn og foreldur ikki búgva saman - Avgerð um barnsins bústað - Reglur um ábyrgd av barnsins uppihaldi Barnarættindasáttmálin Eisini verða partar av Barnarættindasáttmálan undir ST gjøgnumgingnir, eitt nú: - Grein 3 um barnsins besta - Grein 12 um rætt hjá børnum at verða hoyrd - Greinar 7 og 8 um rætt til samleika - Grein 9 og 16 um verju móti óheimilaðum inntrivum í familjulívið - Grein 19 um vernd móti harðskapi, misnýtslu og vanrøkt - Greinar 20 og 25 um rættindi í sambandi við umsorganaryvirtøku. Eisini verður viðgjørt, hvussu føroyskur rættur uppfyllir krøvini eftir Barnarættindasáttmálanum undir ST.

36 tímar. Undirvísingin verður annars skipað við framløgum frá lærara og venjingum. Eisini verða studentaframløgur.

Tey lesandi skulu kunna: - Greiða frá grundleggjandi og serligu rættindum barnanna - Duga at kenna og eyðmerkja barnarættarligar trupulleikar í ítøkiligum málum - Kunna finna og greiða frá lógkeldum og heimildum á hesum rættarøki við atliti til at lýsa galdandi rætt. -Greiða frá avbjóðingum og atlitum í tulking, sum hava serligan týdning fyri barnarætt. -Greiða frá heimildum og venju hjá ymsu trætustovnunum og høvinum hjá pørtunum at nýta hesar stovnar. - Duga lýsa reglurnar á økinum í mun til grundleggjandi mannarættindi og grundleggjandi barnarættarligar meginreglur - Duga at orða lógaruppskot, avtalur og onnur rættslig amboð á økinum -Miðla og orða vitan innan barnarætt og leggja fram bæði skrivliga og munnliga merkt av greiðari fakligari fatan.

Uttanseturs próvdøming (saman við lærarum) Skrivlig avrik telja 1/3 av próvtalinum, munnlig próvtøka 2/3. Til munnligu próvtøkuna fær hin lesandi hálvan tíma til fyrireikingar og hevur loyvi at hava pensum og annað tilfar frá undirvísingini við í fyrireikingarhølið. Próvtøkuspurningurin er um ávíst evni í pensum.

Uttanhýsis

7-talsstigin

ravdur lesnaður er gott 600 síður av hesum tilfari: Lógir og reglur: Serliga Barnaverndarlógin við viðmerkingum og Lov om forældremyndighed og samvær. Bókmentir. Brot úr: Nell Rasmussen & Jane Røhl, Børn i familie- og socialretten, Nyt Juridisk Forlag, 2014. Bendiksen, Lena R.L. og Trude Haugli, Sentrale emner i barneretten, Universitetsforlaget 2014. Ofstad, Kari og Skar, Randi, Barnevernloven, kommentarutgave, 5. útg. Oslo 2009. Høstmælingen, Njål, Elin Saga Kjørholt og Kirsten Sandberg, Barnekonvensjonen - Barns rettigheter i Norge, 2. útg. Universitetsforlaget, Oslo 2012. Kirsten Ketscher, Sosialret. Principper. Rettigheder. Værdier. 4. útg., KarnovGroup, 2014. Required reading is just over 600 pages from this material: Laws and regulations: Especially the Child Protection Act with prepatory work and the Act on Parental Authority and Access to the Child (Lov om forældremyndighed og samvær). From scholarly materials. Extract from: Nell Rasmussen & Jane Røhl, Børn i familie- og socialretten, Nyt Juridisk Forlag, 2014. Bendiksen, Lena R.L. og Trude Haugli, Sentrale emner i barneretten, Universitetsforlaget 2014. Ofstad, Kari og Skar, Randi, Barnevernloven, kommentarutgave, 5th ed., Oslo 2009. Høstmælingen, Njål, Elin Saga Kjørholt og Kirsten Sandberg, Barnekonvensjonen - Barns rettigheter i Norge, 2nd ed., Universitetsforlaget, Oslo 2012. Kirsten Ketscher, Sosialret. Principper. Rettigheder. Værdier. 4th ed., KarnovGroup, 2014.

Bárður Larsen