2463.20 - Politikkur og umsiting og vælferð í smátjóðum og oyggjasamfeløgum

2463.20

Politikkur og umsiting og vælferð í smátjóðum og oyggjasamfeløgum

10

Bachelor í søgu, samfelagsvísindi, politikki og umsiting ella samsvarandi útbúgving.

Endamálið við skeiðnum er at geva teimum lesandi víðkaðar førleikar at viðgera hugtøk og ástøði í politikki og umsiting í mun til vælferð í smátjóðum og oyggjasamfeløgum.

Við útgangsstøði í smátjóðum og oyggjasamfeløg: • Týdningarmikil hugtøk og ástøði um smátjóðir og oyggjasamfeløg. • Hugtøk og ástøði um relasjónirnar ímillum løgting, landsstýrið, fyrisiting og sivilsamfelagið. • Úrvald hugtøk og ástøði um vælferð og hvussu vælferð kann mátast. • Úrvald hugtøk og ástøði um vælferð í politiskum skipanum. • Úrvald hugtøk og ástøði um nútímans umsiting av vælferð. • Leiklutin hjá politiskum áhugabólkum. • Úrvald evni um demokrati og almenna skipan.

Skeiðið er grundað á eina samanseting av fyrilestrum, framløgu frá lesandi, seminarvirksemi og bólkaarbeiði.

Tá skeiðið er lokið skal lesandi vera før/ur fyri at: • Miðla munnligt og skrivligt eina tvørvísindaliga fatan á høgum støði av politikki og umsiting. • Greina og kjaka týdningarmiklu tættirnar í politikki og umsiting í einum vælferðarsamfelagi. • Samanbera og greina ymisk ástøði og ymiskar ástøðiligar tilgongdir í mun til politikk, umsiting og vælferð. • Staðfesta og allýsa ítøkiligar trupulleikar og háttaløg í mun til at greina politikk, umsiting og vælferð. • Reflektera um omanfyrinevndu viðurskifti í mun til smátjóðir og oyggjasamfeløg.

Framløga og innlating av grein (í mesta lagi 10 síður, t.e. 4.500 orð): 50% av samlaða próvtalinum. Tíðarbundin skrivlig einstaklingauppgáva (í mesta lagi 10 síður, t.e. 4.500 orð): 50% av samlaða próvtalinum. Fyri at standa skeiðið skulu báðar próvtøkurnar standast hvør sær.

Innanhýsis

7-talsstigin

Bókmentalistin verður útvegaður á Moodle.

Erika Anne Hayfield