2449.18 - Mannarættindi, religión og politikkur

2449.18

Mannarættindi, religión og politikkur

10

Bachelor prógv ella samsvarandi við nóg mikið av løgfrøði

At geva tí lesandi innlit í hugtøk og ástøði um altjóða mannarættindi og religión; at skilja samanspælið og spenningarnar ímillum mannarættindi og religión; at skilja spenningarnar ímillum hugtøk sum sekularisering og átrúnað, universalismu og relativismu, rættindi og skyldur, einstaklingin og samfelagið. Endamálið er at skilja upprunan til altjóða normar og hvussu normativar trúarskipanir sum t.d. átrúnaður hevur myndað nationalan og altjóða politikk. Tey lesandi skulu lýsa altjóða úrskurðir bæði rættsdogmatiskt og teoretiskt perspektiverandi.

Øll menniskju hava nøkur grundleggjandi rættindi, sum skulu virðast og verjast uttan mun til politiskar, mentanarligar og átrúnaðarligar kringumstøður. Hetta var endamálið við ST-yvirlýsingini um universell mannarættindi, sum heimsins lond samtyktu í 1948. Men visjónin um at sameina heimsins mentanir og átrúnaðir um nøkur grundleggjandi virði hevur verið trupul at umseta til veruleika, og eftir 1948 hava lond og heimspartar samtykt síni egnu mannarættindi í samljóði við egna mentan, átrúnað og siðvenjur. Tí hvat er ein “mannarættur” í roynd og veru? Hvaðani stava idealini um t.d. trúarfrælsið, talufrælsið og javnstøðu? Er tað yvirhøvur gjørligt at seta í verk “universell” rættindi í einum multikulturellum og multireligiøsum heimi? Ella eru øll rættindi relativ í mun til tíð, stað og trúgv? Hetta tvørfakliga skeiðið kombinerar normativa politiska teori, filosofi, søgu og løgfrøði. Skeiðið viðger, hvussu altjóða normar verða til, og hvussu mótstríðandi normativar hugmyndir, m.a. átrúnaður, mynda bæði altjóða og nationalan politikk.

Fyrilestrar hjá høvuðsundirvísara og gestaundirvísarum. Væntað verður aktiv luttøka frá næmingunum.

Tá skeiðið er liðugt, skal tann lesandi: - Duga at greina grundleggjandi hugtøk viðvíkjandi mannarættindum, religión, sekularisering, universalismu og relativismu - Duga at greina samanspælið og spenningarnar ímillum religión og mannarættindi - Duga at nýta hesi hugtøk í greining av aktuellum mannarættindaspurningum, eitt nú í greining av ítøkiligum mannarættindaúrskurðum.

Uttanseturs. Munnlig próvtøka telur 2/3, meðan skrivlig heimauppgáva, sum er fortreyt fyri at sleppa til roynd, telur 1/3 av próvtalinum. Heimauppgávan er ein allýsing og kritisk viðgerð av einum dómi frá Europeiska mannarættindadómstólinum, sum er viðkomandi fyri skeiðið. Dómurin skal vera minst 20 síður til longdar. Heimauppgávan skal vera minst 6 síður (18.375 tekn uttan millumrúm) og maks 8 síður (24.500 tekn uttan millumrúm) til longdar.

Uttanhýsis

7-talsstigin

Umleið 700 síður.

Bárður Larsen