2455.19 - Heimastýrisskipanin

2455.19

Heimastýrisskipanin

10

Bachelor prógv ella samsvarandi við nóg mikið av løgfrøði

Endamálið við skeiðnum er at geva teimum lesandi gjølliga løgfrøðiliga fatan av, innlit í og førleika at tulka og umsita føroysku heimastýrisskipanina bæði ítøkiliga og í breiðari ástøðiligum og samanberandi høpi.

Skeiðið byrjar við eini lýsing av ríkisrættarstøðu Føroya í søguligum ljósi. Síðan verður ríkisrættarstøða Føroya samanborin við onnur lond í danska ríkinum, serliga við Ísland fram til 1918. Eftir hetta verða forsøga og forarbeiði til heimastýrislógina viðgjørd. Síðan fylgir ein innihaldslig lýsing av einstøku ásetingunum í heimastýrislógini. Harnæst verða gjøgnumgingnar og viðgjørdar ymiskar áskoðanir á, hvørja prinsipiella støðu Føroyar hava í danska ríkinum. Týðandi er eisini lýsingin av, hvussu heimastýrisskipanin broyttist grundleggjandi við sokallaðu yvirtøkulógini og uttanríkispolitisku heimildarlógini í 2005. Í seinna parti snýr skeiðið seg í stóran mun um ástøði um heimastýri (autonomi), eins og samanberingar verða gjørdar við skipanir í øðrum pørtum av heiminum.

40 tímar. Undirvísingin verður skipað við framløgum frá lærara og venjingum. Møguliga verða studentaframløgur eisini.

Tey lesandi skulu millum annað: - Kunna greiða frá ríkisrættarstøðu Føroya í søguligum og samanberandi ljósi. - Duga gjølliga at greiða innihaldsliga frá heimastýrislóg og yvirtøkulóg og uttanríkispolitiskari heimildarlóg. - Duga at greiða frá og greina ymiskar fatanir av læruni um ríkiseindina og sokallaðu delegatiónsteoriina, hvat grundarlag hesar hava í grundlóg o.ø. rættarkeldum. - Vera før fyri at greiða frá, hvat hendi við nýskipanini í 2005, og hví henda hevði prinsipiellan týdning. - Duga at greiða frá og greina serstøku spenningarnar, ið eru grundleggjandi fyri sokallaða ríkisfelagsskapin, og sum eru avbjóðing fyri siðbundna og stigkenda (hierarkiskari) fatan av ríki og stjórnarrætti. - Kritiskt at kunna greina verandi heimastýrisskipan í samanberandi og ástøðiligum ljósi.

4 tímars skrivlig roynd.

Uttanhýsis

7-talsstigin

Kristian Joensen: Tilfarssavn – tøkt á Moodle undan undirvísing.

Kristian Joensen