2465.19 - Søga og vælferð í smátjóðum og oyggjasamfeløgum

2465.19

Søga og vælferð í smátjóðum og oyggjasamfeløgum

10

Bachelor í søgu, sosialvísindum og samfelagsplanlegging, politikki og umsiting ella samsvarandi útbúgving.

Endamálið við skeiðinum er at geva teimum lesandi víðkaðar førleikar at viðgera hugtøk og ástøði í søgu og vælferð í smátjóðum og oyggjasamfeløgum.

Við útgangsstøði í smátjóðum og oyggjasamfeløgum viðger skeiðið:  Týdningarmikil hugtøk og ástøði um smátjóðir og oyggjasamfeløg.  Úrvald hugtøk um ástøði um vælferð og háttalag í søgu.  Úrvald empirisk øki um vælferð í komparativari og altjóða søgu.  Úrvald empirisk øki um almenna skipan og umsiting.  Dialektikkin millum hugmyndasøgu og materiella søgu. Eina fatan av søguligum hendingum sum konstrueraðar og dekonstrueraðar.

Skeiðið er grundað á eini samanseting av fyrilestrum, framløgu frá lesandi, seminarvirksemi og bólkaarbeiði.

Lesandi skal verða før/ur fyri at:  Orða og miðla eina tvørvísindaliga fatan av søgu á høgum støði.  Greina og diskutera, hvønn leiklut vælferð hevur í søguligu lýsingini av modernaðum/seinmodernaðum samfeløgum.  Velja vælgrundað millum ymisk ástøði og ymiskar ástøðiligar tilgongdir, og hvussu hesi í praksis kunnu nýtast til at fata leiklutin hjá institutiónum og felagsskapum at menna vælferðarsamfeløg.  Finna og allýsa ítøkiligar trupulleikar og háttaløg í vælferðarsøgu. Viðgera omanfyrinevndu viðurskifti í mun til smátjóðir og oyggjasamfeløg.

Framløga og innlating av grein (í mesta lagi 10 síður, t.e. 4.500 orð): 50% av samlaða próvtalinum. Tíðarbundin skrivlig einstaklingauppgáva (í mesta lagi 10 síður, t.e. 4.500 orð): 50% av samlaða próvtalinum.

Innanhýsis

7-talsstigin

Bókmentalistin verður útvegaður á Moodle

Erling Isholm