2273.21 - Miðlar og politiskt samskifti

2273.21

Miðlar og politiskt samskifti

10

Bachelor í søgu, samfelagsvísindum, politikki og umsiting ella samsvarandi

Skeiðið skal geva lesandi víðkaðar ástøðiligar førleikar at greina og viðgera miðlar og politiskt samskifti, og hvussu hesi hanga saman við sosialum og politiskum virksemi í 21. øld.

Skeiðið viðger ástøði og hugtøk innan miðlar og politiskt samskifti úr einum altjóða og føroyskum sjónarhorni. Tað setur søguligt, heimspekiligt, stjórnmálafrøðiligt og samfelagsfrøðiligt sjónarhorn á miðlar, miðlagerð og politiskt samskifti. Skeiðið viðger samanhangin millum miðlamentan, miðlaskipan, miðlatøkni og miðlaframleiðslu. Avgerandi spurningurin er, hvussu miðlagerð ávirkar sosialt og politiskt lív, og – í forleingilsi av tí – hvørjar avbjóðingar hetta kann hava fyri vælferð og fólkaræði.

Skeiðið er grundað á eina samanseting av fyrilestrum, framløgum frá lesandi og skrivligum uppgávum.

Tá skeiðið er lokið skal lesandi duga at: - Vísa eina fatan av ymiskari ástøði um miðlar og politiskt samskifti. - Eyðmerkja og greina viðkomandi vísindaligt tilfar um miðlar og politiskt samskifti. - Greina og viðgera avgerandi tættir í sambandi við miðlar og politiskt samskifti, og hvussu hesir ávirka vælferð og fólkaræði og vælferð. - Reflektera um omanfyrinevndu viðurskifti í sambandi við smátjóðir og oyggjasamfeløg.

- Framløga á 15 minuttir í einum av undirvísingartímunum (kravd fyri at sleppa upp til munnliga próvtøku). - 30 prosent av endaliga próvtalinum: Politiskt upprit um miðlapolitikk (miðskeiðis í skeiðnum eftir fyrilestur nr. 6 av 10). - 70 prosent av endaliga próvtalinum: Munnlig próvtøka við støði í ritroynd (eftir seinastu undirvísing).

Innanhýsis

7-talsstigin

Sergreinaður lesilisti fyri hvønn undirvísingartíma. Harumframt eyka lesilisti við viðkomandi tilfari. Væntað verður, at lesandi sjálvstøðugt eyðmerkja viðkomandi tilfar til framløgur, uppgávur og próvtøku (sí læruúrtøkur).

Rógvi Olavson