6307.21 - Vísindaástøði og háttalag 1

6307.21

Vísindaástøði og háttalag 1

10

Bachelor í søgu, samfelagsvísindum, politikki og umsiting ella samsvarandi útbúgving

Endamálið við skeiðinum er at geva lesandi innlit í ymiskar vísindaástøðiligar fatanir, krøv til kanningarsnið og vitan um, hvussu ymisk háttalagsamboð kunnu nýtast í granskingarsamanhangi.

Skeiðið leggur dent á vitan um vísindaástøði og førleika at gera kanningarsnið til ávísan spurdóm við hóskandi útvaldum háttalagsamboðum. Í vísindaástøði verður dentur lagdur á fatanir við ymiskum ontologiskum og epistemologiskum útgangsstøði. Eisini leggur skeiðið dent á vitan um historiografi og keldukritikk. Viðvíkjandi kanningarsniði verður m.a. dentur lagdur á førleikan at eyðmerkja granskingareindir og at taka fyrilit fyri ymiskum háttalagshugtøkum og krøvum. Skeiðið leggur eisini stóran dent á at veita breidd í vitan um háttalagsamboð og fevnir um ymiskar arbeiðshættir, t.d. etnografiskt háttalag, at gera samrøður, meginreglur fyri søguskriving, diskursanalysu, samanberandi háttalag, tann refleksivi leisturin og spurnarkanningarhátturin.

Skeiðið er grundað á eina samanseting av fyrilestrum, seminarvirksemi og bólkaarbeiði.

Eftir lokið skeið skal tann lesandi vera før/ur fyri at: • Greiða frá og reflektera um ymiskar vísindaástøðiligar fatanir • Eyðmerkja styrkir og avmarkingar við ymiskum háttalagsamboðum • Gera eitt hóskandi kanningarsnið til ávísan spurdóm • Eftirmeta egið kanningarsnið og vísindaligan framferðarhátt

Skrivlig einstaklingauppgáva upp á 4000 orð

Innanhýsis

7-talsstigin

Áleið 1000 síður. Lestrarlistin er tøkur á moodle

Hallbera Fríða West