Skriva út

M.S.Sc. í West Nordic Studies

Master of Social Sciences in West Nordic Studies, Governance and Sustainable Management
  • Lestrartíð 2 ár
  • Deild Søgu- og samfelagsdeildin (SSD)
  • Tal á Lesandi Umleið 25
  • ECTS 120
  • Lestrargjald (Fulltíðarlestur) Ókeypis fyri borgarar í danska ríkinum o.ø. norðanlondum umframt ES/EEA-lesandi. Altjóða lesandi gjalda 40.000 DKK árliga

Bygnaður

1. 
lestrarhálva

2. 
lestrarhálva

3. 
lestrarhálva

4. 
lestrarhálva

Innleiðsluskeið/Akureyri

10 ECTS

Uppihald á 
útlendskum 
universiteti

30 ECTS

Praksislæra / 
phronetikum

25 ECTS

Masterritgerð

30 ECTS

Fak skeið – umhvørvið

10 ECTS

 

Metodologi

5 ECTS

 

Fak skeið – politiskar avbjóðingar

10 ECTS

 

 

 

 

Skipan av útbúgvingini

West Nordic Studies er ein masterútbúgving á enskum máli, sum Fróðskaparsetrið veitir í samstarvi við onnur universitet. West Nordic Studies lesandi á Fróðskaparsetrinum taka skeið, sum Setrið bjóðar, men eisini skeið vit at vitja eitt ella fleiri av samstarvsuniversitetunum. Hetta merkir, at tann lesandi hevur góðar møguleikar fyri sjálvi at ávirka, hvør útbúgvingarprofilurin skal vera. Nærri upplýsingar um útbúgvingarsamstarvið eru at finna á felags heimasíðuni www.westnordicstudies.org.  

Útbúgvingin tekur tvey ár og er á Setrinum skipað soleiðis:

Í fyrstu lestrarhálvu verður dentur lagdur á ástøði umframt atlit til háttalag. Tey lesandi byrja við at taka innleiðsluskeið í Akureyri (um polarlaw). Eftir innleiðsluskeiðið byrjar lestrartíðin á setrinum, har tey lesandi taka tvey fak skeið. Hesi skeið geva innlit í evnini umhvørvið og burðardygd, umframt hvussu samfelagsligu avbjóðingarnar, sum londini í útnorðri standi yvir fyri kunnu handfarast.

Í aðru lestrarhálvu taka lesandi skeið á 30 ECTS hjá einum samstarvsuniversiteti.

Í triðju lestrarhálvu fer tann lesandi í praksislæru. Tað vil siga, at tann lesandi, grundað á eina avtalu við ein stovn ella virki, granskar eina fakliga viðkomandi uppgávu. Tann lesandi luttekur samstundis í undirvísing á Setrinum, sum beinleiðis hevur við praksislæruna at gera. Eftir lokna praksislæru luttaka tey lesandi í skeiði um háttalag.

Í fjórðu lestrarhálvu ger tann lesandi sjálva masterritgerðini umframt at luttaka í felags og einstaklinga vegleiðing.

Innihald

Útbúgvingin leggur dent á evnini umhvørvið og burðardygd, umframt hvussu samfelagsligu avbjóðingarnar, sum londini í útnorðri standi yvir fyri kunnu handfarast. Útbúgvingin leggur dent á vitan um háttalag og evnini til at samantvinna vitan frá ymiskum fakøkjum.

Útbúgvingin gevur eisini tí lesandi møguleika fyri við valfakum v.m. at seta saman ein individuellan útbúgvingarprofil.

Innihaldið í útbúgvingini er 1. Høvuðsskeiðir, 2. Valfak, 3. Verkætlanir, 4) Praksis læra, og 5) Serritgerð. Skeiðir og fyriskipanir annars eru nærri lýst í skeiðslýsingum.

Nærri kunning um útbúgvingini er at finna í lestrarskipanini HER.

Próvtøkur

Skipað verður fyri próvtøkum tvær ferðir um árið. Vetrarpróvtøkur eru í desember og januar, summarpróvtøkur eru í mai og juni.

Endurpróvtøka og sjúkrapróvtøkur verða fyriskipaðar eftir reglugerðum setursins.

Próvtøkurnar kunnu vera skrivligar uppgávur við ella uttan munnligari verju. Eisini verður munnlig roynd nýtt. Serritgerðin verður vard munnliga.

 

Upptøkutreytir

Bachelorútbúgving, sum í minsta lagi hevur 60 ECTS innan samfelagsvísund íroknað bacheloruppgávuna

ella

Lesandi við øðrum førleikum, tó í minsta lagi á bachelorstigi, og við í minsta lagi 3 ára viðkomandi starvsroyndir

Aðrar treytir:

  • Førleikar í samfelagsvísindaligum háttalag (20 ECTS)
  • Málførleika í enskum


Framtíðarmøguleikar

Eftir lokna West Nordic Studies masterútbúgving hevur tann lesandi fingið eina samfelagsfrøðiliga útbúgving við vitan og førleikum til at greina og kanna týdningarmiklar samfelagsavbjóðingar. Útbúgvingin gevur vitan um háttalag, umframt breiða samfelagsfrøðiliga vitan. Harumframt er útbúgvingin ein tvørfaklig útbúgving, har dentur verður lagdur á at samantvinna vitan frá ymiskum fakøkjum.

Útbúgvingin leggur tó serligan dent á samfelagsviðurskiftini hjá londonum í útnorði umframt tær áhaldandi broytingarnar, sum henda í arktiska økinum, og fevnir um evnir sum umhvørvið og hvussu samfeløg kunnu stýra og handfara størri samfelagsligar avbjóðingar.

Útbúgvingin gevur eisini sera góðar møguleikar fyri at samantvinna teoretiska vitan við empiriskt arbeiði, m.a. tí at útbúgvingin gevur tí lesandi møguleika fyri at fáa samstarv í lag við partar á arbeiðsmarknaðinum, stovnar ella virkir.

Harumframt er talan um eina útbúgving, ið gevur tí lesandi ein altjóða profil. Útbúgvingin er á enskum máli, tey lesandi sum taka útbúgvingina koma frá ógvuliga ymiskum pørtum av verðini, umframt at lesandi koma at vitja og taka skeið hjá universitet í øðrum londum.

Framhaldandi útbúgving

Við M.S.Sc útbúgving er møguligt at fara undir víðari lestur á ph.d. stigi.

Nærri kunning

Nærri kunning fæst við at venda tær til Hallberu West, útbúgvingarleiðara, hallberaw@setur.fo, tlf 292603

Nærri kunning um útbúgvingina fæst her