Skriva út

Upptøkuroynd til løgfrøði

Fyri tey, sum ynskja at lesa bachelor ella master í løgfrøði er serkrav at tey standa eina upptøkuroynd við einum próvtali uppá í minsta lagið 7. Royndin er í fýra pørtum, har endamálið er at meta um nakrar grundleggjandi førleikar hjá umsøkjaranum. Nærri kunning um hvat royndin inniheldur er at finna HER.  

Upptøkuroyndin telur saman við prógvum frá miðnámi, viðkomandi royndum og eftirútbúgvingum v.m. í metingini av, hvør er skikkaður til upptøku.

 

Viðkomandi upplýsingar

Upptøkuroyndin verður mikudagin 30. juni 2021, kl 10-14 á veghæddini á Søgu- og samfelagsdeildini, Jónas Broncksgøtu 25.

Tey sum ætlað at sita til upptøkuroyndina skulu melda seg til í seinasta lagið hósdagin 24. juni kl. 12. Hetta gera tey við at senda eini boð til lss@setur.fo

Tá tú hevur melda teg til upptøkuroyndina fært tú eitt eyðkennisnummar, ið tú skalt brúka á tínari innlating.