Lestrarráð
Sum lesandi hevur tú møguleika fyri at vera við til at tryggja, at útbúgvingar og undirvísingin á Setrinum er í støðugari menning. Hetta kanst tú gera við at stilla upp til lestrarráðið á tínari deild.
Eitt lestrarráð er fyri hvørja deild á Setrinum. Endamálið við lestrarráðunum er at tryggja dygdina í útbúgving og undirvísing á Fróðskaparsetrinum.
Yvirskipaða uppgávan hjá lestrarráðnum er at hava eftirlit við, at útbúgvingar og undirvísing verða støðugt mentar.
Virkisøki og heimildir
Lestrarráðið hevur tí m.a. til uppgávu at:
- Virka fyri, at endamálið um granskingargrundaða útbúgving á altjóða stigi verður rokkið.
2. Viðmerkja útbúgvingarprofilar, námsskipanir og nýggjar ella nógv broyttar skeiðslýsingar.
3. Viðmerkja tilmæli frá útbúgvingarleiðara um korrigerandi átøk sum lið í eftirmeting av
undirvísing og útbúgvingum.
4. Góðkenna umsóknir um avriksflutning eftir tilmæli frá útbúgvingarleiðara og tryggja, at tær
verða viðgjørdar á rættan hátt.
5. Stuðla undir átøk, sum menna útbúgving og undirvísing á Fróðskaparsetri Føroya.
Lestrarráðslimir
Her er yvirlit yvir tey sum umboða lestrarráðini á teimum ymsu deildunum:
Deildin fyri heilsu- og sjúkrarøktarvísindi
Skipan av lestrarráði
Umboð fyri lesandi verða vald fyri tvey ár í senn, meðan umboð fyri vísindastarvsfólk sita trý ár í ráðnum. Lestrarskrivstovan skipar fyri vali av umboðum fyri lesandi í tøttum samstarvi við Ráð Teirra Lesandi.
Vísindastarvsfólk og lesandi hava eins nógv umboð í lestrarráðnum, og talið av limum er hetta:
- Føroyamálsdeildin: 3 vísindastarvsfólk og 3 lesandi
- Námsvísindadeildin: 4 vísindastarvsfólk og 4 lesandi
- Náttúruvísindadeildin: 3 vísindastarvsfólk og 3 lesandi
- Søgu- og samfelagsdeildin: 4 vísindastarvsfólk og 4 lesandi
- Deildin fyri heilsu- og sjúkrarøktarvísindi: 3 vísindastarvsfólk og 3 lesandi
Les meira um lestrarráð í reglugerðini fyri lestrarráð HER.
Váttan um uppstilling til lestrarráðini er at finna HER.