Útbúgvingarsíðan hjá læraraútbúgvingini

Á hesi síðuni finnur tú felags reglugerðir, vegleiðingar, oyðubløð, atgongdir til KT-skt-skipanir o.a., sum er viðkomandi fyri tín lestur á Fróðskaparsetrinum. Her finnur tú eisini námsskipanina fyri tína útbúgving, eitt yvirlit yvir bygnaðin av útbúgvingini, kunning um starvslæruna og bachelorverkætlanina.

Her verður eisini kunnað um broytingar, so sum nýggjar mannagongdir, reglugerðir, tillagingar í námsskipanum o.a., sum kann hava ávirkan á tíni lestrarviðurskifti. 

B.Ed. sum fólkaskúlalærari

Sum útbúgvin fólkaskúlalærari verður tú før/ur fyri at at fyrireika, fremja og eftirmeta undirvísing á øllum floksstigum í samsvari við teir karmar, ið lógir og kunngerðir áseta um undirvísingina. Ein fólkaskúlalærari skal somuleiðis megna at skjalprógva og menna undirvísingargongdir í ymiskum lærugreinum í grunddeild, miðdeild og hádeild fólkaskúlans. Ein útbúgvin lærari skal vera førur fyri at gjøllhugsa, kanna og meta um námsvísindaligar og fak-fakligar meginspurningar í síni heild. Útbúgvingin er granskingargrundað og á slíkum støði, at hon verður viðurkend í grannalondunum og sum grundstøði undir framhaldslestri. 

Nærri lýsing av útbúgvingini, av almennu og fakligu førleikunum, sum dentur verður lagdur á í útbúgvingini, og av yvirskipaðu útbúgvingarlæruúrtøkunum sært tú í útbúgvingarprofilinum og í námsskipanini fyri B.Ed. sum fólkaskúlalærari.

Bygnaður