Útbúgvingarsíðan hjá sjúkrarøktarfrøði

Vit vóna, at tú fært eina læruríka, kveikjandi og mennandi lestrartíð. 

Á hesi síðuni finnur tú felags reglugerðir, vegleiðingar, oyðubløð, atgongdir til KT-skt-skipanir o.a., sum er hent og viðkomandi fyri tín lestur á Setrinum.  Her finnur tú eisini námsskipanina fyri tína útbúgving, eitt yvirlit yvir bygnaðin av útbúgvingini, kunning um starvslæruna og bachelorritgerðina. 

Her verður eisini kunnað um broytingar, so sum nýggjar mannagongdir, reglugerðir, tillagingar í námsskipanum o.a., sum kann hava ávirkan á tíni lestrarviðurskifti. 

B.Sc. í sjúkrarøktarfrøði

Endamálið við útbúgvingini er at geva tí lesandi førleika til at kunna virka sjálvstøðugt sum sjúkrarøktarfrøðingur. Útbúgvingin gevur førleika til at útinna, miðla og leiða sjúkrarøkt, sum er heilsufremjandi, heilsuvarðveitandi, fyribyrgjandi eins og viðgerandi, endurmennandi og linnandi. Gevur førleika til at samstarva við sjúklingar, avvarðandi, samstarvsfelagar og aðrar fakbólkar. Harumframt førleika til at menna sjúkrarøkt, útinna menningararbeiði og gera nýtslu av granskingararbeiði á heilsuøkinum. Undirvísingin er grundað á gransking og evidens, og útbúgvingin mennir teir kritisku, greinandi og reflekterandi eginleikarnar hjá tí lesandi.

Nærri lýsing av útbúgvingini, av almennu og fakligu førleikunum, sum dentur verður lagdur á í útbúgvingini, og av yvirskipaðu útbúgvingarlæruúrtøkunum sært tú í útbúgvingarprofilinum og í námsskipanini fyri B.Sc. í sjúkrarøktarfrøði.

Bygnaður