Lestrarvegleiðing

Samband

Hevur tú tørv á lestrarvegleiðing ert tú vælkomin at ringja á tlf 352550 frá kl 09.00 til 12.00 allar gerandisdagar uttan mikudag, ella skriva teldupost til vegleiðing@setur.fo.

Til ber eisini at venda sær beinleiðis til lestrarvegleiðararnar, sí kontaktupplýsingarnar niðanfyri.

Vegleiðaratoymið

Hava lestrarvegleiðarar tagnarskyldu?

Ja, lestrarvegleiðararnir hava tagnarskyldu - tó við undantaki um próvtøkusvik.

Hvat er lestrarvegleiðing?

Lestrarvegleiðingin á Fróðskaparsetri Føroya er ein týdningarmikil og professionell tænasta, hvørs endamál er:

• at vegleiða um lestur, fíggjarlig, sosial og persónlig viðurskifti í sambandi við lesturin
• at vegleiða um stuðulsmøguleikar í sambandi við skerdan lestrarførleika
• at vegleiða um lestrarhegni
• at vegleiða um lestrarleið, valfak, víðari lestur og yrkisleið
• at vegleiða um rættindi og skyldur í samband við lesturin

Hvat kann lestrarvegleiðingin vegleiða um?

Lestrarvegleiðarin kann hjálpa við kunning um:

• útbúgvingar - herundir:
  • reglur fyri upptøku og freistir
  • um bygnaðin av útbúgvingum
  • reglur og mannagongdir, sum eru galdandi á tíni útbúgving

  • avriksflutningur av lestri, sum eru staðin á øðrum útbúgvingum

  • undangóðkenning í sambandi við skiftislestur
    
    

• útbúgvingarstuðul - herundir:
  • lestrarstuðul og lán frá Studna og krøv um lestrarvirkni í hesum sambandi
    
    
• lestur - herundir:
  • at skipa lesturin og fáa yvirlit yvir lestrargongdina
  • lestrarhegni og lestrarvanar
  • trivnað
  • lestrarivi
  • motivatión
  • lestrarskifti
  • møguleikar fyri lestri í útlandinum
    
    
• um frávik – herundir:
  • hjálparamboð
  • longd próvtøkutíð
  • tillagað lestrarætlan
  • annað
    
    
• um próvtøkur - herundir:
  • at finna loysn í samband við eina falna próvtøku
  • próvtøkuangist
    
    
• farloyvi – herundir:
  • barnsburðarfarloyvi
  • farloyvi í sambandi við lestrarsteðg
  • farloyvi í sambandi við sjúku ella persónlig viðurskifti
    
    
• karrieruvegleiðing - herundir:
  • møguleikar við tíni útbúgving
  • yrkisleið og víðari lestur
  • eftirútbúgvingar og skeið
    
    
• kærumøguleikar - herundir:
  • Kærur/klagur í sambandi við próvtøkur og annað
    
    
• Annað - herundir:
  • vegleiðing í samband við spurningar ella ivamál.

Hvussu fer ein vegleiðarasamrøða fram?

Ein vegleiðing kann gerast á ymiskan hátt:

• Andlit til andlits, umvegis teldupost, telefon, Zoom ella á annan hátt
• Ein vegleiðingarsamrøða, kann vara alt frá nøkrum fáum minuttum upp til ein tíma ella meira.
• Vegleiðingin tekur støði í teimum ivamálum og støðum, sum tann einstaki er í.

Ofta settir spurningar (OSS)

Her eru nakrir spurningar, sum ofta verða settir, tá fólk venda sær til lestrarvegleiðingina.

Virðisgrundarlag

Virðisgrundarlagið hjá lestrarvegleiðingini á Fróðskaparsetri Føroya er at finna HER.