Á Setrinum hava vit eitt ítróttafelag, sum vit eiga og reka í felag. Øll, sum lesa og arbeiða á Fróðskaparsetri Føroya, eru vælkomin at luttaka og gerast limir.
Endamálið við felagnum er at skapa trivnað og rørslugleði á Setrinum og menna eitt umhvørvi, har vit hittast og eru saman í rørslu.
Umstøður og møguleikar
Á Frælsinum er eitt venjingarhøli, sum limir í ítróttarfelagnum kunnu brúka. Vit hava góða útgerð, sum til dømis:
Frívektir til styrkivenjing
Innisúkklur
Rógvimaskinur
Renniband
Ítróttafelagið skipar fyri tiltøkum eftir førimuni, men gleðist sjálvandi, tá ið limir taka stig til felagsátøk. Hevur tú góð hugskot, ert tú tí vælkomin at skipa fyri felagstiltaki. Bara hugflogið setur mørk. Her eru nøkur hugskot:
Felags rennitúrur fríggjamorgun saman við starvsfeløgum
Morgundypp í Sandágerði við øðrum lesandi, áðrenn lestrarbyrjan
Gongutúrur í døgurðasteðginum
Tilmelding
Hevur tú hug at gerast partur av Ítróttafelag Setursins? Soleiðis gert tú:
Send ein teldupost til itrott@setur.fo frá tínum seturstelduposti
Tú verður skrásett/ur og fært kunning um leiðreglur og limagjald
Ársgjald verður goldið, tá ið tú meldar til og síðani við lestrarbyrjan á hvørjum ári.
Fyri lesandi er ársgjaldið 100 krónur
Fyri starvsfólk er ársgjaldið 200 krónur