Kom og les master í Dátuvísindum
Fróðskaparsetrið bjóðar spennandi og avbjóðandi masterútbúgving í Dátuvísindum, sum er skipað sum parttíðarlestur og tí væl kann samansjóðast við arbeiði annars
1. juli er umsóknarfreistin til at søkja um lestrarpláss á nýggju masterútbúgvingini í Dátuvísindum, sum veitir serstakliga viðkomandi og fjøltáttaðar møguleikar fyri at fáa spennandi starv eftir loknan lestur.
Endamálið við masterútbúgvingini er at nøkta stóra tørvin á høgt útbúnum starvsfólki í KT-vinnuni og at taða jørðina fyri framtíðar KT-gransking á ph.d-stigi.
Av serligum áhuga er kollveltingin, sum hendir nú við tilgjørdum viti, har maskinlæring og djúp læring eru ein aðaltáttur.
Útbúgvingin leggur tí stóran dent á júst tilgjørt vit (AI), tólnet (IoT) og KT-trygd, umframt at møguleiki er fyri valfríum skeiðum/verkætlanum svarandi til 30 ECTS.
Høvuðsdenturin í útbúgvingini er lagdur á serútbúgving í KT til dátugreining, tilgjørt vit og tólnet, umframt at møguleiki eisini verður at serútbúgva seg á øðrum økjum, so sum forritan og menning av tryggum KT-skipanum (KT-trygd).
Lesið meira um útbúgvingina her.
Søkið um lestrarpláss her.
- 03.05.2024 Setrið LestrarskrivstovanOpið hús: Hvør útbúgving hóskar til tín?7. mai klokkan 16 verður opið hús í Kongshøll, har tínir...
- 03.05.2024 Setrið Søgu- og samfelagsdeildinSigri M. Gaïni verjir sína ph.d.6.mai klokkan 13.00 fer Sigri M. Gaïni at verja sína ph.d...
- 30.04.2024 Setrið Deildin fyri Heilsu- og SjúkrarøktarvísindiHvítbók: Fótbóltur sum fyribyrging og viðgerðHvítbók er útgivin um fótbólt sum fyribyrging og viðgerð...