Skriva út

Hjartaliga vælkomin á okkara føroyska universitet, Fróðskaparsetur Føroya. 

Nú fara tit undir eitt spennandi, avbjóðandi og mennandi tíðarskeið í tykkara lívi, har universitetslestur er vegurin og universitetsprógv og hægri førleikar eru málið. Okkara fremsta ynski er, at tykkara lestrartíð verður góð, og at tit fáa nøkur stuttlig ár her við nýggjum vinarbondum og alsamt vaksandi árræði um framtíðina.

Tá tit møta fyrstu ferð á Setrinum, hava vit eina neyva og stuttliga innleiðslu, har tit fáa kunning um alt tað grundleggjandi praktiska, umframt at vit hava tiltøk, sum samansjóða tykkum - og okkum. Tað er altíð´sera kveikjandi og festligt!

Á hesum síðum hava vit eisini savnað nøkur góð ráð um at vera lesandi á einum hægri lærustovni, umframt upplýsingar um stuðulstænastur og stuðulsamboð, ið eru til taks á Fróðskaparsetrinum.

Á Setrinum hava vit eisini ein kunningar- og tænastudepil til tykkara, har fryntlig og hjálpsom starvsfólk kunnu vegleiða tykkum, tá ivamál stinga seg upp.

Tað er Lestrarskrivstovan, sum heldur til á Frælsinum 20 í Havn.

EURAXESS
Meira