Fróðskaparsetur Føroya hevur eitt serligt hald av Zoom, sum KT-frøðin sigur er trygt at brúka (Foto: B. Thomsen)
Brynhild Thomsen
03.04.2020
Setrið Til lesandi
Skriva út

Zoom er trygt hjá Setrinum at brúka

Fróðskaparsetrið hevur eitt serligt hald av zoom hjá DeiC, sum er partur av almenna danska Forskningsnettet og NORDUnet, ið ger, at dátutrygdin er í lagi og eftir galdandi ES-krøvum

 

Mongu søgurnar í seinastuni um, at tað ikki hevur verið trygt at brúka zoom sum samskiftismiðil, hevur helst fingið fleiri starvsfólk og lesandi á Setrinum at seta sær sama spurning.

KT-serfrøðingarnir hava tíbetur eitt sissandi svar til hetta: Setrið hevur ikki eitt vanligt hald, sum privatfólk ella virkir hava, men eitt serligt hald, har trygdarviðurskiftini eru í lagi. Avtalan um zoom er millum Setrið og DeiC, sum er Danish e-Infrastructure Cooperation. DeiC er partur av danska, almenna Forskningsnettet og gjøgnum tað eisini partur av NORDUnet.

Hetta ger m.a., at dátutrygdin lýkur EU-krøvini.

DeiC hevur gjørt eina útgreining av støðuni, sum kann lesast her.

Hóast hetta, so mugu øll sjálvandi eisini hava fyrilit fyri vernd av persónsviðkvomum upplýsingum og trúnaðarupplýsingum.

DeiC svarar fleiri spurningum um zoom her.