Kapping um bestu ritgerð

Mánadagin 29. november klokkan 14:00 - 15:00 verður avdúkað, hvør hevur vunnið ársins serritgerðarkapping um ríkisfelagsskapin.

Tað er danska Undirvísingar- og granskingarstýrið, sum samskipar kappingina.

Ein lesandi úr Føroyum, ein úr Grønlandi og ein úr Danmark fáa virðisløn fyri bestu serritgerðina í árinum.

Hvør vinnari fær 40.000 krónur.

Tiltakið verður stroymt á zoom á ufm.dk.

Leinkið er her.

Í fjør vann Rakul Skaale Andreassen heiðursløn frá danska Undirvísingar- og granskingarmálaráðnum fyri sína MA-ritgerð um ávirkanina úr enskum á føroyskt tungumál.

Lesið meira um tað her.