Nýtt lið fingið prógv i seturnámsfrøði
Herfyri var prógvhandan í auluni á Námsvísindadeildini, tá 13 undirvísarar aftrat høvdu lokið skeið í setursnámsfrøði
Hetta er annað árið á rað, at Námsvísindadeildin hevur skipað fyri skeiði í setursnámsfrøði fyri undirvísarar á Fróðskaparsetrinum.
Setursnámsfrøði hevur til endamáls at stimbra og førleikamenna undirvísarar við námsfrøðiligari vitan og amboðum, sum verða gagnnýtt í undirvísing. Skeiðið er tí liður í menning og góðskutrygging av undirvísing og útbúgving til frama fyri lesandi á Setrinum.
Tey, sum samskipa og hava fakligu ábyrgdnina av skeiðinum, eru Kalpana Vijayavarathan og Hans Harryson frá Námsvísindadeildini.
Til prógvhandanina í auluni á Frælsinum søgdu Kalpana Vijayavarathan, ph.d., og Chik Collins, rektari nøkur orð, og Hallbera West, skeiðsluttakari og undirvísari á Søgu- og samfelagsdeildini bar fram røðu.
Kalpana Vijayavarathan, skeiðsábyrgdari, hevur ta fatan, at skeiðið sum heild hevur hepnast væl og er við til at styrkja samanhald og fakligt samstarv tvørtur um deildirnar á Setrinum. Hetta kemur m.a. til sjóndar við, at teir í alt 18 undirvísararnir, sum fingu prógv í setursnámsfrøði í fjør, hava tikið stig til eitt netverk, sum regluliga hittist fyri at vitanardeila og varpa ljós á týdningin av setursnámsfrøðini. Nú verður hetta netverkið so stykt við teimum 13, sum nú eisini hava fingið prógv.
Hjartaliga til lukku!
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...