Prógvhandan á Føroyamálsdeildini
Seinnapartin var hátíðarløta á Føroyamálsdeildini í V.U. Hammershaimbs gøtu í Havn í sambandi við ársins prógvhandan
Loftsstovan á Føroyamálsdeildini var í dag karmur um hátíðarhald, nú seinastu prógvini hesa lestrarhálvuna skuldu handast.
Bergur D. Hansen, dekanur, bjóðar vælkomin og takkar fyri lestrartíðina, sum nú er lokin. Hann helt eisini røðu og handaði teimum fyrrverandi lesandi prógvini
Randi Sundberg Michelsen, sum í dag fekk prógv sum BA í føroyskum, helt óføra røðu fyri samkomuni
Bólkurin Sway við Marionnu Winther Nagata, Daniu O. Tausen og Katrinu Olsen sang tríggjar sangir. Tær báðar seinast nevndu lesa á listaútbúgvingini á Føroyamálsdeildini
Vanliga er samlað og stór prógvhandan í Norðurlandahúsinum, men vegna koronuavmarkingar vóru prógvhandanirnar aftur í ár býttar sundur millum deildirnar á Setrinum. Her sita tey í Loftsstovuni á Føroyamálsdeildini
Aftaná var ábit, prát og hugni
Síðani seinasta summar hava hesi staðið prógv á FMD:
BA í føroyskum: Randi Sundberg Michelsen, Bárður Skorheim Guttesen, Rakul Sjúrðardóttir Frederiksberg, Kristianna Thorkildshøj, Petur Markus Josenius Hammer, Kristfríð Tyril, Lena Fríðunn á Ørg.
MA í føroyskum: Lív Næs, Henry á Fríðriksmørk Borðoy og Barbara Marinardóttir.
Hjánám í føroyskum: Absalon Matras Sjúrðarson.
Ph.d. í bókmentafrøði: Paula Gaard.
Vit á Fróðskaparsetrinum ynskja tykkum øllum hjartaliga til lukku!
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...