
Setrið við í lærubók um póllóg
Norðurlandaráðið hevur nú givið út aðru útgávu av Polar Law Text Book.
Natalia Loukacheva hevur ritstjórnað. Hon er úr Russlandi men hevur starvast í Canada og á Akureyri í Íslandi. Á Akureyri skipaði hon fyri master í polar law og árligu ráðstevnuni og árbókini um póllóg.
Kári á Rógvi hevur undirvíst á nevndu útbúgving og lagt fram á ráðstevnu og árbók saman við Bárði Larsen.
Í nýggju útgávuni hevur Kári skrivað kapittul um føroyska stjórn og fyrisiting – Faroese Governance – við denti á løgsøgu, tilfeingislóg, rættarskipan, fyrisiting og stjórnarlóg.
Tankin við lærubókini er at geva lesandi høvi at gera samanberingar, hyggja at teimum ymsu londunum norðast á klótuni. Hugt verður eftir tvørgangandi evnum sum menning, verju, trygd á sjónum, veðurlagsbroytingum, undirgrund, lívfrøði og orku, umframt at serliga áhugaverdum økjum sum Føroyum, Samalondum, Nunavut og Grønlandi.
Lærubókin er at fáa til keyps í prentaðum líki, men kann eisini takast niður ókeypis av heimasíðu norðurlandaráðsins.
-
06.12.2019 Setrið NáttúruvísindadeildinVetni – ein verkstova um nýhugsan innan grøna orku28. november 2019 kl. 9 - 12 var fyrsti kunnandi fundur um H...
-
06.12.2019 Setrið Søgu- og samfelagsdeildinFøroyskt Lógar Rit aftur á breddanumFøroyskt Lógar Rit (FLR) er óheft løgfrøðiligt tíðarrit, ið ...
-
06.12.2019 Setrið Deildin fyri Heilsu- og Sjúkrarøktarvísindi Granskingardepilin fyri Samfelagsmenning Depilin fyri heilsugranskingPh.d.-verkætlan um sosialpolitikk í FøroyumÍ apríl mánaði 2018 byrjaði Michael Feldballe Hansen eina ph...