Alment tiltak: Gávugóðs til ungt listafólk

Nú er stundin aftur komin til árligu handanina av gávugóðsi úr Grunni Thorvalds Poulsen av Steinum til ungt listafólk, sum hevur víst serligt hegni

Í tí sambandi bjóðar Fróðskaparsetur Føroya, Listafólkasamband Føroya og Føroya Lærarafelag almenninginum til hátíðarhald í Nýggjustovu í Hoydølum 8. februar klokkan 19:30.

Endamálið hjá Grunni Thorvalds Poulsen av Steinum er sambært grein tvey í viðtøkunum at stuðla og eggja ungum fólki við listaligum hegni til útbúgving. Stovnsfæ grunnsins er arvur eftir Thorvald Poulsen á Steinum sambært testamentinum hjá honum. Ein trýmannanevnd mannað við rektaranum á Fróðskaparsetrinum, formanninum í Føroya Lærarafelagi og formanninum í Listafólkasambandi Føroya stjórnar grunninum. Rektarin á Fróðskaparsetrinum er nevndarformaður, og í løtuni røkir Bergur Djurhuus Hansen, dekanur á Føroyamálsdeildini, sessin fyri rektaran.

Í løtuni er nevndin henda: Bergur D. Hansen, dekanur á Fróðskaparsetri Føroya, Jacob Eli S. Olsen, formaður í Føroya Lærarafelagi og Marita Dalsgaard, forkvinna í LISA.

Latið verður úr grunninum 8. februar, á føðingardegi Thorvalds. Nevndin ger sjálv av, hvør skal fáa stuðul úr grunninum, og tað verður ikki latið eftir umsókn. Fyrstu ferð stuðul varð latin, var í 2001.

Øll eru hjartaliga vælkomin til hátíðarhaldið.

Tey, ið higartil hava fingið gávugóðsið, eru: