Magni heldur fram sum formaður
Kaj Leo Holm Johannesen, landsstýrismaður í heilsumálum hevur útnevnt nýtt Fólkaheilsuráð
Landsstýrismaðurin útnevnir sjey limir í Fólkaheilsuráðið, og tey sita í fýra ár.
Magni Mohr, professari í arbeiðs- og ítróttarfysiologi á Fróðskaparsetrium heldur fram sum formaður, og Súsanna Olsen, varastjóri á Klaksvíkar sjúkrahúsi er nýggj næstforkvinna.
Hini, ið eru vald í Fólkaheilsuráðið, eru:
Unnur S. Fonn, lærari á Skúlatrøð
Hallur Thomsen, viðskiftastjóri á Almannaverkinum
Katrina L. Holm, sálarfrøðingur
Katrin Danielsen, kommunulækni
Jón Klein Olsen, varapolitiinspektørur
Uppgávurnar hjá Fólkaheilsuráðnum eru m.a. at ráðgeva lands- og kommunalum myndugleikum í sambandi við heilsufremjandi og sjúku- og vanlukkufyribyrgjandi tiltøk og at skipa fyri, at ítøkilig tiltøk verða framd í verki.
- Mítt ynski er, at tit, sum nú fara at manna Fólkaheilsuráðið, fara at seta fokus á og framhaldandi fara at taka tey sálarveiku við í tykkara ætlan og geva teimum rúmd, so at sálarheilsa altíð verður javnsett við likamliga heilsu, tá talan er um fólkaheilsu, segði Kaj Leo Holm Johannesen, landsstýrismaður m.a. í røðu fyri gamla og nýggja Fólkaheilsuráðnum.
- 18.04.2024 Setrið FøroyamálsdeildinStórur áhugi í New York fyri føroyskari søgu og mentanTýskvøldið helt Bergur Djurhuus Hansen, dekanur á Føroyam...
- 15.04.2024 Setrið Deildin fyri Heilsu- og SjúkrarøktarvísindiSemjuskjal um heilsugransking og undirvísingMargit Stórá, landsstýriskvinna í heilsumálum, og Djóni N...
- 15.04.2024 Setrið LestrarskrivstovanUmsóknarfreistin til kvotu 2 er á midnáttErt tú til reiðar? Á midnátt 15. apríl er umsóknarfreist...